ຂປລ
ໂຮງຮຽນໃນນະຄອນຫລວງປັກກິ່ງ ຈະເລີ່ມສອນຫລັກສູດ ປັນຍາທຽມ (ເອໄອ) ໃຫ້ແກ່ ນັກຮຽນ ລະດັບປະຖົມສຶກສາ ແລະ ມັດທະຍົມສຶກສາ ເພື່ອເສີມສ້າງ ເປົ້າໝາຍ ຂອງ ສປຈີນ ໃນການພັດທະນາ ແລະ ເປັນຜູ້ນຳດ້ານ ຕະຫລາດ ເອໄອ.
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ປັກກິ່ງ ປະເທດສປຈີນວ່າ: ໂຮງຮຽນໃນນະຄອນຫລວງປັກກິ່ງ ຈະເລີ່ມສອນຫລັກສູດ ປັນຍາທຽມ (ເອໄອ) ໃຫ້ແກ່ ນັກຮຽນ ລະດັບປະຖົມສຶກສາ ແລະ ມັດທະຍົມສຶກສາ ເພື່ອເສີມສ້າງ ເປົ້າໝາຍ ຂອງ ສປຈີນ ໃນການພັດທະນາ ແລະ ເປັນຜູ້ນຳດ້ານ ຕະຫລາດ ເອໄອ.
ໂດຍຄະນະກຳມະການ ສຶກສາເທດສະບານ ນະຄອນຫລວງປັກກິ່ງ ລະບຸວ່າ ຕັ້ງແຕ່ ພາກຮຽນ ທີ່ຈະເລີ່ມ ຂຶ້ນໃນວັນທີ 1 ກັນຍານີ້ ໂຮງຮຽນຂອງລັດ ທຸກແຫ່ງ ໃນພື້ນທີ່ຈະເປີດສອນ ວິຊາປັນຍາທຽມ ຢ່າງໜ້ອຍ 8 ຊົ່ວໂມງຕໍ່ປີ ການຮຽນສຶກສາ. ໂຮງຮຽນ ແຕ່ລະແຫ່ງ ສາມາດຈັດການຮຽນ ການສອນ ດ້ວຍຮູບແບບ ຫລັກສູດສະເພາະ ຫລື ບູລະນະການ ກັບ ຫລັກສູດ ທີ່ມີຢູ່ ເຊັ່ນ: ວິຊາເຕັກໂນໂລຊີສື່ສານ ແລະ ວິທະຍາສາດ. ເມື່ອບໍ່ດົນມານີ້ ທ່ານ ຫວຍ ຈິ້ນເຜີງ ລັດຖະມົນຕີ ສຶກສາທິການ ຂອງ ສປຈີນ ຖະແຫລງຕໍ່ກອງປະຊຸມສະພາ ແຫ່ງຊາດ(ເອັນພີຊີ) ວ່າ: ການປະຕິບັດ ເຕັກໂນໂລຊີ ທີ່ນຳໂດຍເອໄອ ຈະສ້າງໂອກາດ ອັນຍິ່ງໃຫຍ່ ໃຫ້ຂົງເຂດ ການສຶກສາ ແລະ ຈະມີການເຜີຍແພ່ ເອກະສານ ຢ່າງເປັນທາງການ ພາຍໃນປີນີ້. /
KPL
