ຂປລ
ຂປລ. ໃນວັນທີ 25 ມັງກອນ 2025 ໂຮງງານຜະລິດເຂົ້າໜົມສາຍຂອງ ໄດ້ມອບເຂົ້າໜົມລາວ ກາໂຕະ ແລະ ຢູໂອະ ຈຳນວນ 300 ກວ່າກ້ອນ ຊຸກຍູ້ກອງປະຊຸມໃຫຍ່ ຄັ້ງທີ IX ສະຫະພັນແມ່ຍິງ ກະຊວງຖະແຫລງຂ່າວ ວັດທະນະທຳ ແລະ ທ່ອງທຽວ (ຖວທ) ທີ່ຈະຈັດຂຶ້ນໃນວັນທີ 29 ມັງກອນ 2025
ຂປລ. ໃນວັນທີ 25 ມັງກອນ 2025 ໂຮງງານຜະລິດເຂົ້າໜົມສາຍຂອງ ໄດ້ມອບເຂົ້າໜົມລາວ ກາໂຕະ ແລະ ຢູໂອະ ຈຳນວນ 300 ກວ່າກ້ອນ ຊຸກຍູ້ກອງປະຊຸມໃຫຍ່ ຄັ້ງທີ IX ສະຫະພັນແມ່ຍິງ ກະຊວງຖະແຫລງຂ່າວ ວັດທະນະທຳ ແລະ ທ່ອງທຽວ (ຖວທ) ທີ່ຈະຈັດຂຶ້ນໃນວັນທີ 29 ມັງກອນ 2025, ຕາງໜ້າບໍລິສັດມອບໂດຍ ທ່ານ ສົມສັກ ມົງຄົນສິນ ຮອງຫົວໜ້າພະແນກບໍລິຫານ ບໍລິສັດສາຍຂອງ ແລະ ຮັບໂດຍ ທ່ານ ນາງ ບົວໄຂ ເພັງພະຈັນ ປະທານຄະນະບໍລິຫານງານ ສະຫະພັນແມ່ຍິງ ກະຊວງ ຖວທ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ບົວໄຂ ເພັງພະຈັນ ໄດ້ສະແດງຄວາມຂອບໃຈມາຍັງ ທ່ານ ສົມສັກ ມົງຄົນສິນ ກໍຄື ໂຮງງານຜະລິດເຂົ້າໜົມສາຍຂອງ ທີ່ເຫັນໄດ້ຄວາມສຳຄັນ ນຳເອົາຜະລິດຕະພັນ ເຂົ້າໜົມຂອງຕົນ ມາມອບໃຫ້ ໃນຄັ້ງນີ້ ເຊິ່ງເປັນອົງປະກອບໜຶ່ງ ທີ່ປະກອບສ່ວນຊຸກຍູ້ກອງປະຊຸມໃຫຍ່ ຄັ້ງທີ IX ສະຫະພັນແມ່ຍິງ ກະຊວງ ຖວທ ກໍຄື ປະກອບສ່ວນເຮັດໃຫ້ຜູ້ເຂົ້າຮ່ວມໄດ້ຊີມ, ໄດ້ກິນ ເຂົ້າໜົມ ທີ່ເປັນຜະລິດຕະພັນ ຂອງຄົນລາວ, ໂຮງງານຜະລິດຢູ່ລາວ, ຈຳໜາຍຢູ່ລາວ ແລະ ຕ່າງປະເທດ.
ໂຮງງານຜະລິດເຂົ້າໜົມສາຍຂອງ ເປັນໂຮງງານຂອງຄົນລາວ ຮ້ອຍເປີເຊັນ ເຊິ່ງມີຜະລິດຕະພັນຫລາຍຢ່າງ ເຊັ່ນ: ເຂົ້າໜົມຢູໂອ (ເຂົ້າຈີ່ສົດ ໄສ້ໃບເຕີຍ, ໄສ້ເຜືອກ), ເຂົ້າໜົມກາໂຕະ, ເຂົ້າໜົມ Wella ແລະ ເຂົ້າໜົມ Yumeo. ນອກຈາກນີ້, ຍັງມີຜະລິດຕະພັນເຂົ້າໜົົມປັງ ພິກກີບີ ທີ່ກຳລັງໄດ້ຮັບຄວາມນິຍົມ ຢ່າງຫລວງຫລາຍຈາກລູກຄ້າທັງເດັກນ້ອຍ ແລະ ຜູ້ໃຫຍ່ໃນປັດຈຸບັນ ເຊິ່ງສັງເກດເຫັນວ່າ ຮ້ານພິກກີບີ ຈະປະກົດຢູ່ຕາມແຕ່ລະສາຍທາງ ເປັນຈຳນວນຫລາຍ ສາມາດຕອບສະໜອງ ຄວາມຕ້ອງການຂອງລູກຄ້າ ທີ່ນັບມື້ນບເພີ່ມຂຶ້ນຢ່າງວ່ອງໄວ ມາຮອດປັດຈຸບັນ ພິກກີບີ ສາມາດ ຂະຫຍາຍສາຂາໄດ້ທັງໝົດ 120 ສາຂາທົ່ວປະເທດ ແລະ ໄດ້ຂະຫຍາຍສາຂາຕະຫລາດ ໄປປະເທດໄທ ເກືອບ 10 ສາຂາ ສຳລັບທ່ານໃດ ທີ່ສົນໃຈຢາກເຮັດທຸລະກິດຂາຍເຂົ້າໜົມ ພິກກີບີ ສາມາດເຂົ້າມາຕິດຕໍ່ພົວພັນ ໂດຍກົງໄດ້ກັບບໍລິສັດ ເຊິ່ງບໍລິສັດ ຈະໃນຝຶກທັກສະການບໍລິຫານ, ການບໍລິການ ແລະ ອື່ນໆ ເພື່ອສ້າງຄວາມເຂັ້ມແຂງ ໃນດ້ານຕ່າງໆ ທັງນີ້, ແນໃສ່ບໍລິການໃຫ້ລູກຄ້າ ມີຄວາມພໍໃຈ
ຂ່າວ-ພາບ: ກິດຕາ
KPL
