ຂປລ
ທ່ານ ມິນ ອອງ ໄລ ຜູ້ນຳມຽນມາ ກ່າວວ່າ: ໃນເວລາທີ່ ຫັນເປັນທັນສະໄໝ, ສປ ຈີນ ໄດ້ສ້າງຄວາມສຸກ ໃຫ້ແກ່ ປະເທດຕ່າງໆ ຂອງໂລກ ລວມທັງ ມຽນມາ ດ້ວຍຂໍ້ລິເລີ່ມ ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”.
ຂປລ.ວິທະຍຸ ສາກົນ ແຫ່ງ ສປ ຈີນ,ເມື່ອບໍ່ດົນມານີ້, ທ່ານ ມິນ ອອງ ໄລ ຜູ້ນຳມຽນມາ ກ່າວວ່າ: ໃນເວລາທີ່ ຫັນເປັນທັນສະໄໝ, ສປ ຈີນ ໄດ້ສ້າງຄວາມສຸກ ໃຫ້ແກ່ ປະເທດຕ່າງໆ ຂອງໂລກ ລວມທັງ ມຽນມາ ດ້ວຍຂໍ້ລິເລີ່ມ ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”.ໃນໂອກາດນີ້ ທ່ານ ມິນ ອອງ ໄລ ໄດ້ສະແດງ ຄວາມຂອບໃຈ ໃນການສະໜັບສະໜູນ ຢ່າງໝັ້ນ ໜຽວບໍ່ປ່ຽນແປງຂອງ ສປ ຈີນ ທີ່ມີຕໍ່ສັນຕິພາບ ສະຖຽນລະພາບ ແລະ ການພັດທະນາ.ໃນມື້ດຽວກັນ, ກິດຈະກຳ ສະເຫລີມສະຫລອງ ບຸນກຸດຈີນ ໄດ້ຈັດຂຶ້ນ ຢູ່ສະໜາມກິລາ ແຫ່ງຊາດ ຕູອຸນນາ ຂອງຢາງກຸງ. ທ່ານ ມິນ ອອງ ໄລ ໄດ້ສົ່ງຄຳອວຍພອນປີໃໝ່ ໄປຍັງ ຊາວມຽນມາ ເຊື້ອສາຍຈີນ ແລະຊາວຈີນຕ່າງດ້າວ. ທ່ານ ມິນ ອອງ ໄລ ກ່າວເນັ້ນຕືມວ່າ: ສປ ຈີນ ກັບມຽນມາ ເປັນເພື່ອນມິດຖາວອນ, ມຽນມາ ເອົາໃຈໃສ່ ໃນລະດັບສູງ ຕໍ່ການພົວພັນກັບ ສປ ຈີນ, ຈະເລັ່ງລັດການກໍ່ສ້າງ ໂຄງການຮ່ວມມື ລະຫວ່າງ ມຽນມາ- ສປ ຈີນ, ຊຸກຍູ້ ການສ້າງ ປະຊາຄົມ ຮ່ວມຊາຕາກຳມຽນມາ- ສປ ຈີນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
