ຂປລ
ສປ ຈີນ ໄດ້ສືບຕໍ່ ຊຸກຍູ້ ການປະຕິຮູບ ລະບຽບການ ສິດປ່າໄມ້ ລວມໝູ່ ແລະ ການພັດທະນາ ອຸດສາຫະກໍາປ່າໄມ້ ທີ່ມີຄຸນນະພາບສູງ, ຍອດມູນຄ່າ ຜົນຜະລິດ ອຸດສາຫະກໍາ ປ່າໄມ້ ແຫ່ງຊາດ ໄດ້ບັນລຸເຖິງ 10.170 ຕື້ຢວນ, ເພີ່ມຂຶ້ນ 9,6% ເມື່ອທຽບໃສ່ປີ 2023.
ຂປລ.ວິທະຍຸ ສາກົນ ແຫ່ງ ສປ ຈີນ, ໃນປີ 2024, ສປ ຈີນ ໄດ້ສືບຕໍ່ ຊຸກຍູ້ ການປະຕິຮູບ ລະບຽບການ ສິດປ່າໄມ້ ລວມໝູ່ ແລະ ການພັດທະນາ ອຸດສາຫະກໍາປ່າໄມ້ ທີ່ມີຄຸນນະພາບສູງ, ຍອດມູນຄ່າ ຜົນຜະລິດ ອຸດສາຫະກໍາ ປ່າໄມ້ ແຫ່ງຊາດ ໄດ້ບັນລຸເຖິງ 10.170 ຕື້ຢວນ, ເພີ່ມຂຶ້ນ 9,6% ເມື່ອທຽບໃສ່ປີ 2023. ເຈົ້າໜ້າທີ່ ກ່ຽວຂ້ອງ ຂອງອົງການ ປ່າໄມ້ ແລະ ທົ່ງຫຍ້າ ແຫ່ງຊາດຈີນ ກ່າວວ່າ: ໃນປີ 2024, ອົງການ ປ່າໄມ້ ແລະ ທົ່ງຫຍ້າ ແຫ່ງຊາດ ໄດ້ຕັ້ງໜ້າ ຊຸກຍູ້ ການປະດິດສ້າງໃໝ່ ໃນດ້ານລະບຽບການ ສິດປ່າໄມ້ ລວມໝູ່ ຢ່າງໝັ້ນທ່ຽງ, ມາຮອດ ປັດຈຸບັນ, ເນື້ອທີ່ ປ່າໄມ້ ລວມໝູ່ ໃນທົ່ວປະເທດ ໄດ້ເພີ່ມຂຶ້ນ 34% ເມື່ອທຽບໃສ່ ໄລຍະກ່ອນ ການປະຕິຮູບ, ປະລິມານ ການສະສົມ ປ່າໄມ້ ໄດ້ເພີ່ມຂຶ້ນ ເກືອບໜຶ່ງເທົ່າ. ຂະແໜງ ການປ່າໄມ້ ລວມໝູ່ ໄດ້ສ້າງຕຳແໜ່ງ ວຽກງານ ໃຫ້ຊາວ ກະສິກອນ ຫລາຍກວ່າ 47 ລ້ານຄົນ, ສະເລ່ຍແລ້ວ ສະມັດຖະພາບ ການຜະລິດ ຂອງທີ່ດິນປ່າໄມ້ ລວມໝູ່ ແມ່ນ 4.500 ຢວນຕໍ່ເຮັກຕາ, ເພີ່ມຂຶ້ນ ຫລາຍກວ່າ 3 ເທົ່າ ເມື່ອທຽບໃສ່ ໄລຍະກ່ອນ ການປະຕິຮູບ. ປັດຈຸບັນ, ຜົນຜະລິດອາຫານ ຈາກປ່າໄມ້ ຂອງ ສປ ຈີນ ໄດ້ບັນລຸ ຫລາຍກວ່າ 200 ລ້ານໂຕນຕໍ່ປີ, ກາຍເປັນຜະລິດຕະພັນ ກະສິກໍາ ທີ່ສໍາຄັນ ອັນດັບ ທີສາມ ຖັດຈາກ ພືດພັນ ທັນຍາຫານ ແລະ ຜັກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
