ຂປລ
ຂປລ. ກົມໂຄສະນາການທ່ອງທ່ຽວ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບສໍານັກຂ່າວໜັງສືພິມ, ໂທລະພາບ ແລະ ສື່ອອນລາຍຈາກສະມາຄົມນັກຂ່າວໄທ ໄດ້ຈັດກິດຈະກຳ ຢ້ຽມຢາມຜະລິດຕະພັນການທ່ອງທ່ຽວ ຢູ່ແຂວງຄໍາມ່ວນ ແລະ ສະຫັວນນະເຂດ ສປປ ລາວ ໃນລະຫວ່າງວັນທີ 25-30 ມັງກອນ 2025 ເພື່ອເປັັນການສົ່ງເສີມການທ່ອງທ່ຽວລາວ.
ຂປລ. ກົມໂຄສະນາການທ່ອງທ່ຽວ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບສໍານັກຂ່າວໜັງສືພິມ, ໂທລະພາບ ແລະ ສື່ອອນລາຍຈາກສະມາຄົມນັກຂ່າວໄທ ໄດ້ຈັດກິດຈະກຳ ຢ້ຽມຢາມຜະລິດຕະພັນການທ່ອງທ່ຽວ ຢູ່ແຂວງຄໍາມ່ວນ ແລະ ສະຫັວນນະເຂດ ສປປ ລາວ ໃນລະຫວ່າງວັນທີ 25-30 ມັງກອນ 2025 ເພື່ອເປັັນການສົ່ງເສີມການທ່ອງທ່ຽວລາວ.
ທ່ານ ນາງ ມະນີສາຄອນ ທໍາມະວົງໄຊ ຫົວໜ້າກົມໂຄສະນາການທ່ອງທ່ຽວ ໄດ້ໃຫ້ສໍາພາດວ່າ: ການຈັດກິດຈະກຳໃນຄັ້ງນີ້, ເພື່ອສົ່ງເສີມການທ່ອງທ່ຽວລາວ, ທັງເປັນດຶງດູດນັກທ່ອງທ່ຽວ ຈາກຕ່າງປະເທດ ໃຫ້ເຂົ້າມາທ່ຽວລາວຫລາຍຂຶ້ນ ໂດຍໄດ້ເຊີນສື່ມວນຊົນລາວ ແລະ ໄທເຂົ້າຮ່ວມຢ້ຽມຢາມ ຜະລິດຕະພັນການທ່ອງທ່ຽວ ທີ່ໂດດເດັ່ນຂອງແຂວງຄໍາມ່ວນ ແລະ ສະຫວັນນະເຂດ ເນື່ອງຈາກ 2 ແຂວງນີ້, ມີຊາຍແດນຕິດຈອດກັບປະເທດໄທ, ມີການຄົມມະນາຄົມທີ່ສະດວກ ແລະ ເອື້ອອຳນວຍໃຫ້ແກ່ການທ່ອງທ່ຽວ. ການຈັດກິດຈະກໍາຄັ້ງນີ້, ສື່ມວນຊົນ ສອງປະເທດ ຈະໄດ້ສໍາຜັດກັບຫລາກຫລາຍກິດຈະກຳ, ການທ່ອງທ່ຽວແບບພະຈົນໄພ, ການທ່ອງທ່ຽວໃນຮູບແບບ ອະນຸລັກສິ່ງແວດລ້ອມ ໃຫ້ມີຄວາມຍືນຍົງ ຕິດພັນກັບວິຖີການດຳລົງຊີວິດຂອງປະຊາຊົນ, ສະຖານທີ່ທ່ອງທ່ຽວສໍາຄັນທາງດ້ານປະຫວັດສາດ ແລະ ທໍາມະຊາດ ເປັນຕົ້ນ ພະທາດສີໂຄດຕະບອງ, ຖໍ້າພະໜອງປາຜາ, ໜອງປາເຊືອມ ຢູ່ເມືອງທ່າແຂກ, ແຫລ່ງທ່ອງທ່ຽວພູຜາມ່ານ, ຂຸນກອງແລງ, ຖໍ້ານໍ້າລອດເຊບັ້ງໄຟ, ຕາດຊຽງລື. ນອກຈາກນີ້, ຍັງຈະໄດ້ຢ້ຽມຢາມ ຜະລິດຕະພັນການທ່ອງທ່ຽວສໍາຄັນຈໍານວນໜຶ່ງ ຢູ່ແຂວງສະຫວັນນະເຂດ ເປັນຕົ້ນພະທາດອີງຮັງ, ຫໍໄຕກາງນໍ້າ ແລະ ດົງລີງຕື່ມອີກ.
ໂອກາດນີ້, ທ່ານ ນາງ ມະນີສາຄອນ ທໍາມະວົງໄຊ ຍັງໄດ້ເຊີນຊວນນັກທ່ອງທ່ຽວ ຈາກປະເທດໄທ ເຂົ້າມາທ່ຽວຊົມສະຖານທີ່ ທ່ອງທ່ຽວສໍາຄັນຂອງລາວ ໂດຍສະເພາະ ແຂວງຄໍາມ່ວນ ແລະ ສະຫວັນນະເຂດ ຊຶ່ງເປັນສອງແຂວງ ທີ່ນອນໃນເຂດພາກກາງຂອງປະເທດ ທີ່ມີການເດີນທາງສະດວກ ເນື່ອງຈາກມີເສັ້ນທາງຄົມມະນາຄົມ ຂົນສົ່ງທັງທາງບົກ, ທາງນໍ້າ ແລະ ທາງອາກາດ ທີ່ເປັນການເຊື່ອມໂຍງເຊື່ອມຈອດ ຂອງບັນດາປະເທດໃກ້ຄຽງ ໄດ້ເປັນຢ່າງດີ.
ຂ່າວ-ພາບ: ວຽງສະຫວັນ
KPL
