ຂປລ
ກະຊວງ ຄົມມະນາຄົມ ອາເມລິກາ ກ່າວວ່າ: ມີແຜນຍົກເລີກ ຂໍ້ກຳນົດ ກ່ຽວກັບ ການຫລຸດ ການປ່ອຍ ອາຍພິດເຮືອນແກ້ວ ຂອງລົດຍົນ ທີ່ຮັບຮອງໂດຍລັດຖະບານ
ຂປລ.ວິທະຍຸ ສາກົນແຫ່ງ ສປ ຈີນ, ກະຊວງ ຄົມມະນາຄົມ ອາເມລິກາ ກ່າວວ່າ: ມີແຜນຍົກເລີກ ຂໍ້ກຳນົດ ກ່ຽວກັບ ການຫລຸດ ການປ່ອຍ ອາຍພິດເຮືອນແກ້ວ ຂອງລົດຍົນ ທີ່ຮັບຮອງໂດຍລັດຖະບານ ທ່ານ ໂຈ ໄບເດັນ, ອະດີດປະທານາທິບໍດີ ສ.ອາເມລິກາ. ອີງຕາມ “ສັນຍາປາຣີ” ທີ່ ສ.ອາເມລິກາ ຖອນໂຕ ອອກອີກ ຄັ້ງໜຶ່ງນັ້ນ, ບັນດາຝ່າຍ ຕ້ອງເພີ່ມທະວີ ການຮັບມື ລັກສະນະ ທົ່ວໂລກ ຕໍ່ໄພຂົ່ມຂູ່ ທີ່ມາຈາກ ການປ່ຽນແປງ ຂອງດິນຟ້າອາກາດ, ຈະຄວບຄຸມໃຫ້ ອຸນຫະພູມ ສະເລ່ຍ ທົ່ວໂລກ ເພີ່ມຂຶ້ນພາຍໃນ 2 ອົງສາ ເມື່ອທຽບໃສ່ ກ່ອນການຫັນເປັນ ອຸດສາຫະກຳ ແລະ ສຸມຄວາມ ພະຍາຍາມເພື່ອຄວບຄຸມ ໃຫ້ເພີ່ມຂຶ້ນ ພາຍໃນ 1,5 ອົງສາ. ທົ່ວໂລກ ຈະບັນລຸ ໃຫ້ຍອດປະລິມານ ການປ່ອຍອາຍພິດ ເຮືອນແກ້ວ ເຖິງຈຸດສູງສຸດ ໂດຍໄວ ແລະ ບັນລຸການປອດ ການປ່ອຍ ໃນທ້າຍສະຕະວັດນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
