ຂປລ
ມີຜູ້ເສຍຊີວິດ ຢ່າງໜ້ອຍສຸດ 20 ຄົນ ໃນເຫດການ ເຮືອບິນຕົກຢູ່ ຊູດັງໃຕ້. ເຮືອບິນລຳນີ້ ໄດ້ຂົນສົ່ງ 21 ຄົນ, ລວມທັງ ຜູ້ໂດຍສານ ແລະ ຈຸບິນ, ໄດ້ຕົກລົງ ອີກບໍ່ດົນ ພາຍຫລັງ ທີ່ບິນຂຶ້ນ ເພື່ອໄປຍັງ ນະຄອນຫລວງ ຈູບາ(Juba).
ຂປລ.ວິທະຍຸ ກະຈາຍສຽງ ຫວຽດນາມ, ອຳນາດ ການປົກຄອງລັດ ຢູນິຕີ(Unity) ຂອງ ຊູດັງໃຕ້ ໃຫ້ຮູ້ວ່າ: ມີຜູ້ເສຍຊີວິດ ຢ່າງໜ້ອຍສຸດ 20 ຄົນ ໃນເຫດການ ເຮືອບິນຕົກຢູ່ ຊູດັງໃຕ້. ເຮືອບິນລຳນີ້ ໄດ້ຂົນສົ່ງ 21 ຄົນ, ລວມທັງ ຜູ້ໂດຍສານ ແລະ ຈຸບິນ, ໄດ້ຕົກລົງ ອີກບໍ່ດົນ ພາຍຫລັງ ທີ່ບິນຂຶ້ນ ເພື່ອໄປຍັງ ນະຄອນຫລວງ ຈູບາ(Juba). ເວລາເກີດ ອຸບັດເຫດ ດັ່ງກ່າວ ເມື່ອບໍ່ດົນມານີ້, ຊຶ່ງບໍລິເວນ ເຮືອບິນຕົກ ຫ່າງຈາກ ລານບິນ 500 ແມັດ ເທົ່ານັ້ນ. ມີພຽງແຕ່ ຜູ້ດຽວໄດ້ ລອດຕາຍ ໃນເຫດອຸບັດຕິເຫດ ດັ່ງກ່າວ. ອຳນາດ ການປົກຄອງ ດັ່ງກ່າວ ໄດ້ສົ່ງຄຳແບ່ງເບົາ ຄວາມເສົ້າ ສະຫລົດໃຈ ຕໍ່ຄອບຄົວຜູ້ປະສົບເຄາະຮ້າຍ ແລະ ໃຫ້ຮູ້ວ່າ ກຳລັງເຈົ້າໜ້າທີ່ ພວມສືບສວນຫາ ສາເຫດ ທີ່ເກີດຂຶ້ນ ໃນຄັ້ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
