ຂປລ
ຄັງສຳຮອງ ສະຫະລັດ ຫລື FED ເຊິ່ງເປັນ ທະນາຄານກາງ ອາເມລິກາ ປະກາດວ່າ: ຈະສືບຕໍ່ຮັກສາ ໃຫ້ເປົ້າໝາຍ ອັດຕາກອງທຶນ ສະຫະລັດ ຢູ່ລະຫວ່າງ 4,25%-4,5%.
ຂປລ.ວິທະຍຸ ສາກົນ ແຫ່ງ ສປ ຈີນ, ຄັງສຳຮອງ ສະຫະລັດ ຫລື FED ເຊິ່ງເປັນ ທະນາຄານກາງ ອາເມລິກາ ປະກາດວ່າ: ຈະສືບຕໍ່ຮັກສາ ໃຫ້ເປົ້າໝາຍ ອັດຕາກອງທຶນ ສະຫະລັດ ຢູ່ລະຫວ່າງ 4,25%-4,5%. ຂະນະທີ່ ສ.ອາເມລິກາ ຮັກສາໃຫ້ອັດຕາກອງທຶນ ບໍ່ມີການປ່ຽນແປງ ເປັນຄັ້ງທຳອິດ ຫລັງຈາກ ຫລຸດອັດຕາ ດອກເບ້ຍ ຢ່າງລຽນຕິດ ນັບແຕ່ເດືອນກັນຍາ 2024 ເປັນຕົ້ນມາ. ລະດັບເງິນເຟີ້ ຂອງ ສ.ອາເມລິກາ ໄດ້ຫລຸດຕ່ຳລົງ ຢ່າງຊັດເຈນ ໃນສອງປີຜ່ານມາ, ແຕ່ກໍຍັງສູງຢູ່ ເມື່ອທຽບໃສ່ ເປົ້າໝາຍທີ່ FED ວາງໄວ້ ຄື: 2%. ໃນກອງປະຊຸມກ່ຽວກັບ ນະໂຍບາຍ ເງິນຕາ 3 ຄັ້ງທີ່ຜ່ານມາ, FED ໄດ້ຫລຸດອັດຕາ ກອງທຶນ ໃຫ້ຕໍ່າລົງ 1% ຈາກຈຸດສູງສຸດ. ຍ້ອນວ່າ ການປ່ຽນແປງ ຂອງໄພເງິນເຟີ້ ແລະ ຕະຫລາດແຮງງານ ໄດ້ມີຄວາມດຸນດ່ຽງ ອີກຄັ້ງ, ສະນັ້ນ, FED ປັບປຸງນະໂຍບາຍ ອີກຄັ້ງໃໝ່ ໃນກອງປະຊຸມ ຄັ້ງນີ້ ແມ່ນມີຄວາມເໝາະສົມ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
