ຂປລ
ເຈົ້າໜ້າທີ່ ກູ້ໄພ ມຽນມາ ພົບຜູ້ເສຍຊີວິດ ຈາກເຫດບໍ່ຢົກ ຖະຫລົ່ມ ໃນລັດຄະສິ່ນ ທາງພາກເໜືອ ຂອງ ປະເທດ ມຽນມາ ເພີ່ມຂຶ້ນເປັນຢ່າງໜ້ອຍ 22 ຄົນ. ຂະນະທີ່ ປະຕິບັດການກູ້ໄພ ຍັງຄົງດຳເນີນການຕໍ່ໄປ ຢ່າງຕໍ່ເນື່ອງ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 17 ມັງກອນ 2025, ເຈົ້າໜ້າທີ່ ກູ້ໄພ ມຽນມາ ພົບຜູ້ເສຍຊີວິດ ຈາກເຫດບໍ່ຢົກ ຖະຫລົ່ມ ໃນລັດຄະສິ່ນ ທາງພາກເໜືອ ຂອງ ປະເທດ ມຽນມາ ເພີ່ມຂຶ້ນເປັນຢ່າງໜ້ອຍ 22 ຄົນ. ຂະນະທີ່ ປະຕິບັດການກູ້ໄພ ຍັງຄົງດຳເນີນການຕໍ່ໄປ ຢ່າງຕໍ່ເນື່ອງ.
ເຫດການຮ້າຍແຮງ ດັ່ງກ່າວ ເກີດຂຶ້ນ ຫລັງຈາກ ບໍ່ດິນຕົມ ໃນພື້ນທີ່ ບໍ່ແຮ່ ທີ່ເມືອງຜາກັ້ນ ໃນລັດຄະສິ່ນ ຖະຫລົ່ມລົງມາ ທັບຖົມ ເຮືອນຊານ ປະຊາຊົນ ຢ່າງໜ້ອຍ 57 ຫລັງ. ໂດຍປະລິມານດິນ ທີ່ ຖະຫລົ່ມລົງມາ ຈຳນວນ ຫລວງຫລາຍ ເຮັດໃຫ້ ການຊ່ວຍເຫລືອ ປະຊາຊົນ ແລະ ການເກັບກູ້ ເຄື່ອງຈັກ ທີ່ຖືກຝັງຢູ່ລຸ່ມ ກັບຂຶ້ນມາ ເປັນໄປດ້ວຍ ຄວາມລຳບາກ./
KPL
