ຂປລ
ຍອດປະລິມານ ການຜະລິດໄຟຟ້າ ຢູ່ແລວ ພະລັງງານ ສະອາດ ໃຫຍ່ກວ່າໝູ່ ຂອງໂລກ ໃນປີ2024 ໄດ້ເພີ່ມຂຶ້ນ ຫລາຍກວ່າ 7% ເມື່ອທຽບໃສ່ ປີ2023 ຊຶ່ງເປັນກຳລັງ ຄ້ຳຊູ ຢ່າງແຂງແຮງ ຕໍ່ການປ່ຽນໃຊ້ ພະລັງງານສີຂຽວຂອງ ສປ ຈີນ.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 9 ມັງກອນນີ້, ກຸ່ມສາມຮ່ອມພູຈີນ ເປີດເຜີຍ ໃຫ້ຮູ້ວ່າ: ຍອດປະລິມານ ການຜະລິດໄຟຟ້າ ຢູ່ແລວ ພະລັງງານ ສະອາດ ໃຫຍ່ກວ່າໝູ່ ຂອງໂລກ ໃນປີ2024 ໄດ້ເພີ່ມຂຶ້ນ ຫລາຍກວ່າ 7% ເມື່ອທຽບໃສ່ ປີ2023 ຊຶ່ງເປັນກຳລັງ ຄ້ຳຊູ ຢ່າງແຂງແຮງ ຕໍ່ການປ່ຽນໃຊ້ ພະລັງງານສີຂຽວຂອງ ສປ ຈີນ.ໂຮງໄຟຟ້າ ນ້ຳຕົກ 6 ແຫ່ງ ຕາມສາຂ າແມ່ນ້ຳ ຢັງຊີກຽງ ຄື: ອູ່ຕົ່ງເຕີ, ປາຍເຮີ້ທ່ານ, ຊີ່ໂລ້ຕູ້, ຊ້ຽງເຈ່ຍປ້າ, ສາມຮ່ອມພູ ແລະເກີໂຈ່ປ້າ ປະກອບເປັນແລວ ພະລັງງານ ສະອາດ ທີ່ໃຫຍ່ກວ່າໝູ່ ຂອງໂລກ. ໃນປີ2024 ໄດ້ຜະລິດໄຟຟ້າ 295.904 ຕື້ກິໂລວັດໂມງ, ເພີ່ມຂຶ້ນ 7,11% ເມື່ອທຽບໃສ່ປີຕໍ່ປີ ເທົ່າກັບ ໄດ້ຫລຸດ ການລະບາຍ ກາກບອນ ດີອອກຊິດ 240 ລ້ານໂຕນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
