ຂປລ
ສປຈີນ ໄດ້ສືບຕໍ່ ດຳເນີນ ການປະຕິຮູບ ບໍລິການດູແລ ຜູ້ສູງອາຍຸ ຢ່າງຮອບດ້ານ, ພ້ອມກັນນັ້ນ ຈະສົ່ງເສີມ ການພັດທະນາ ຫຸ່ນຍົນຮີວແມນນອຍ ເປັນສ່ວນຕໍ່ປະສານສະໝອງ-ຄອມພີວເຕີຣ ແລະ ເຕັກໂນໂລຊີ ປັນຍາທຽມ (ເອໄອ) ສຳລັບ ການດູແລ ຜູ້ສູງອາຍຸ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ສປຈີນ ໄດ້ສືບຕໍ່ ດຳເນີນ ການປະຕິຮູບ ບໍລິການດູແລ ຜູ້ສູງອາຍຸ ຢ່າງຮອບດ້ານ, ພ້ອມກັນນັ້ນ ຈະສົ່ງເສີມ ການພັດທະນາ ຫຸ່ນຍົນຮີວແມນນອຍ ເປັນສ່ວນຕໍ່ປະສານສະໝອງ-ຄອມພີວເຕີຣ ແລະ ເຕັກໂນໂລຊີ ປັນຍາທຽມ (ເອໄອ) ສຳລັບ ການດູແລ ຜູ້ສູງອາຍຸ.
ການເຄື່ອນໄຫວ ດັ່ງກ່າວ ເປັນສ່ວນໜຶ່ງ ຂອງ ແຜນການ ເລັ່ງພັດທະນາ ແລະ ໝູນໃຊ້ ເຕັກໂນໂລຊີ ໃນການດູແລຜູ້ສູງອາຍຸ ແລະ ສະໜັບສະໜູນ ໂຄງການ ທາງດ້ານ ວິທະຍາສາດ ແລະ ເຕັກໂນໂລຊີສຳຄັນ ທີ່ ກ່ຽວຂ້ອງກັບ ການໃຫ້ບໍລິການຜູ້ສູງອາຍຸ, ໂດຍ ຄະນະກຳມະການກາງ ພັກກອມມູນິດຈີນ ແລະ ຄະນະ ລັດຖະມົນຕີ ຈີນ ໄດ້ລະບຸເຖິງບັນຫານີ້. ຫຸ່ນຍົນຮີວແມນນອຍ ມີຈຸດແຂງ ໃນດ້ານການຕອບໂຕ້ ລະຫວ່າງ ມະນຸດ ກັບ ຫຸ່ນຍົນ ພວມພັດທະນາຢ່າງວ່ອງໄວ ແລະ ມີສັກກາຍະພາບ ຢ່າງຫລວງຫລາຍ ສຳລັບ ການນໍາໄປ ໝູນໃຊ້ ໄດ້ຫລາຍດ້ານເຊັ່ນ: ການດູແລ ສຸຂະພາບ ແລະ ການໃຫ້ບໍລິການ ຕາມເຮືອນຊານ./
KPL
