ຂປລ
ການສະໜອງ ອາຍແກັສທຳມະຊາດ ຫລຸດໜ້ອຍລົງ ຈະເຮັດໃຫ້ລາຄາແພງຂຶ້ນ, ນັບແຕ່ ກາງເດືອນທັນວາປີ 2024 ມາຮອດ ປັດຈຸບັນ, ລາຄາອາຍແກັສທຳມະຊາດ ໃນຕະຫລາດ ເອີຣົບ ໄດ້ປັບເພີ່ມຂຶ້ນ 20% ເຊິ່ງເຮັດໃຫ້ ກຳລັງແຂ່ງຂັນ ຂອງສະຫະພາບ ເອີຣົບ ຕົກຕ່ຳລົງ ຢ່າງວ່ອງໄວ.
ຂປລ.ວິທະຍຸສາກົນແຫ່ງ ສປ ຈີນ, ເມື່ອບໍ່ດົນມານີ້, ທ່ານ ຊີຢາໂດ ພີເທີ, ລັດຖະມົນຕີ ການຕ່າງປະເທດ ຮົງກາຣີ ກ່າວວ່າ: ການສະໜອງ ອາຍແກັສທຳມະຊາດ ຫລຸດໜ້ອຍລົງ ຈະເຮັດໃຫ້ລາຄາແພງຂຶ້ນ, ນັບແຕ່ ກາງເດືອນທັນວາປີ 2024 ມາຮອດ ປັດຈຸບັນ, ລາຄາອາຍແກັສທຳມະຊາດ ໃນຕະຫລາດ ເອີຣົບ ໄດ້ປັບເພີ່ມຂຶ້ນ 20% ເຊິ່ງເຮັດໃຫ້ ກຳລັງແຂ່ງຂັນ ຂອງສະຫະພາບ ເອີຣົບ ຕົກຕ່ຳລົງ ຢ່າງວ່ອງໄວ.ບໍລິສັດ ຫຸ້ນສ່ວນ ອຸດສາຫະກຳ ອາຍແກັສທຳມະຊາດ ຣັດເຊຍ ອອກຖະແຫລງການວ່າ: ຍ້ອນວ່າ ສັນຍາ ສົ່ງອາຍແກັສທຳມະຊາດ ຂອງຣັດເຊຍ ໄປເອີຣົບ ໂດຍຜ່ານແດນ ອູແກຣນ ທີ່ຣັດເຊຍ ເຊັນກັບ ອູແກຣນ ນັ້ນໝົດ ອາຍຸການ, ຝ່າຍຣັດເຊຍ ໄດ້ຢຸດສົ່ງ ອາຍແກັສທຳມະຊາດ ນັບແຕ່ຕົ້ນເດືອນ ມັງກອນປີນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
