ຂປລ
ນັບມາຮອດ ທ້າຍເດືອນ ກັນຍາປີ 2024, ຂະໜາດ ຊັບສິນ ຂອງ ສປ ຈີນ ຕໍ່ກັບ ຕ່າງປະເທດ ມີຫລາຍກວ່າ 10.212 ຕື້ໂດລາ ສະຫະລັດ, ເພີ່ມຂຶ້ນ 4,3% ເມື່ອທຽບໃສ່ ທ້າຍເດືອນ ມິຖຸນາປີ 2024
ຂປລ.ວິທະຍຸ ສາກົນ ແຫ່ງ ສປ ຈີນ, ກົມຄຸ້ມຄອງ ເງິນຕາ ຕ່າງປະເທດ ແຫ່ງຊາດຈີນ ໄດ້ເປີດເຜີຍວ່າ: ນັບມາຮອດ ທ້າຍເດືອນ ກັນຍາປີ 2024, ຂະໜາດ ຊັບສິນ ຂອງ ສປ ຈີນ ຕໍ່ກັບ ຕ່າງປະເທດ ມີຫລາຍກວ່າ 10.212 ຕື້ໂດລາ ສະຫະລັດ, ເພີ່ມຂຶ້ນ 4,3% ເມື່ອທຽບໃສ່ ທ້າຍເດືອນ ມິຖຸນາປີ 2024, ຂະໜາດ ຊັບສິນຕໍ່ກັບ ຕ່າງປະເທດຂອງ ສປ ຈີນ ໄດ້ຫລາຍກວ່າ 10.000 ຕື້ໂດລາສະຫະລັດ ເປັນຄັ້ງທຳອິດ.ໃນນັ້ນ, ຂະໜາດ ໜີ້ສິນ ຕໍ່ກັບ ຕ່າງປະເທດ ຫລາຍກວ່າ 7.000 ຕື້ ໂດລາສະຫະລັດ, ເພີ່ມຂຶ້ນ 3,3% ເມື່ອທຽບໃສ່ ທ້າຍເດືອນມິຖຸນາປີ 2024; ຂະໜາດ ຊັບສິນ ສຸດທິ (ຕັດໜີ້ສິນອອກໄປ) ມີຫລາຍກວ່າ 3.000 ຕື້ໂດລາ ສະຫະລັດ ເພີ່ມຂຶ້ນ 6,5%./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
