ຂປລ
ສປປ. ເກົາຫລີ ຈັດຕັ້ງກອງປະຊຸມ ຄົບຄະນະ ເປີດກວ້າງ ຄັ້ງທີ 11 ຄະນະບໍລິຫານງານ ສູນກາງພັກແຮງງານ ສປປ ເກົາຫລີ ຊຸດທີ 8 ເມື່ອບໍ່ດົນມານີ້ ພາຍໃຕ້ການເປັນປະທານຂອງ ທ່ານ ຄິມ ຈອງ ອຸນ(Kim Jong Un), ເລຂາທິການໃຫຍ່ ພັກແຮງງານ ສປປ. ເກົາຫລີ.
ຂປລ.ວິທະຍຸ ກະຈາຍສຽງ ຫວຽດນາມ, ສປປ. ເກົາຫລີ ຈັດຕັ້ງກອງປະຊຸມ ຄົບຄະນະ ເປີດກວ້າງ ຄັ້ງທີ 11 ຄະນະບໍລິຫານງານ ສູນກາງພັກແຮງງານ ສປປ ເກົາຫລີ ຊຸດທີ 8 ເມື່ອບໍ່ດົນມານີ້ ພາຍໃຕ້ການເປັນປະທານຂອງ ທ່ານ ຄິມ ຈອງ ອຸນ(Kim Jong Un), ເລຂາທິການໃຫຍ່ ພັກແຮງງານ ສປປ. ເກົາຫລີ. ຕາມແຫລ່ງຂ່າວຈາກໂທລະພາບ ສູນກາງ ຈີນ ແລ້ວ, ໃນກອງປະຊຸມໄດ້ສຸມໃສ່ 7 ເນື້ອໃນ, ລວມມີ ການສະຫລຸບ ສະພາບການ ປະຕິບັດ ນະໂຍບາຍ ຂອງພັກ ແລະ ລັດ ປີ 2024 ແລະ ທິດທາງການຕໍ່ສູ້ປີ 2025, ສະພາບການ ປະຕິບັດ ງົບປະມານ ແຫ່ງຊາດປີ 2024 ແລະ ງົບປະມານ ແຫ່ງຊາດ ປີ 2025 ກໍ່ຄືສ້າງໂຄງປະກອບ ພາຍໃນພັກ. ກອງປະຊຸມ ກໍ່ປຶກສາຫາລື ກ່ຽວກັບ ບັນຫາ ການພົວພັນ ຢູ່ພາຍໃນ, ການຕ່າງປະເທດ, ການທະຫານ, ການກໍ່ສ້າງພັກ.ຈາກນັ້ນ ທ່ານ ປາກ ເຕຊອງ( Pak Thae Song) ໄດ້ຮັບການເລືອກຕັ້ງ ເປັນກຳມະການ ປະຈຳກົມການເມືອງ ຄະນະບໍລິຫານງານ ສູນກາງພັກແຮງງານ ສປປ. ເກົາຫລີ ແລະ ໄດ້ຮັບການແຕ່ງຕັ້ງເປັນນາຍົກລັດຖະມົນຕີ ສປປ. ເກົາຫລີ. ທ່ານ ນາງ ໂຈ ສັນ ຮຸຍ(Choe Son Hui), ລັດຖະມົນຕີການຕ່າງປະເທດ ໄດ້ຮັບການເລືອກຕັ້ງເປັນ ກຳມະການ ກົມການເມືອງ ຄະນະບໍລິຫານງານ ສູນກາງພັກແຮງງານ ສປປ ເກົາຫລີ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
