ຂປລ
ເມືອງຢ່າງກຸ້ງຂອງ ມຽນມາ ຈັດພິທີເປີດອຸໂມງ ທາງຍ່າງແຫ່ງທີ 2 ຂອງປະເທດ, ໂດຍມີທ່ານ ພົນເອກ ອາວຸໂສ ມິນ ອ່ອງ ຫລ່າຍ, ປະທານສະພາ ບໍລິຫານແຫ່ງລັດ ລວມເຖິງເຈົ້າຄອງນະຄອນ ຢ່າງກຸ້ງ ແລະ ຄະນະເຈົ້າໜ້າທີ່ ທີ່ກ່ຽວຂ້ອງ ເຂົ້າຮ່ວມ
ຂປລ.ສຳນັກຂ່າວ ຊິຮວາຂງ ສປຈີນ, ເມືອງຢ່າງກຸ້ງຂອງ ມຽນມາ ຈັດພິທີເປີດອຸໂມງ ທາງຍ່າງແຫ່ງທີ 2 ຂອງປະເທດ, ໂດຍມີທ່ານ ພົນເອກ ອາວຸໂສ ມິນ ອ່ອງ ຫລ່າຍ, ປະທານສະພາ ບໍລິຫານແຫ່ງລັດ ລວມເຖິງເຈົ້າຄອງນະຄອນ ຢ່າງກຸ້ງ ແລະ ຄະນະເຈົ້າໜ້າທີ່ ທີ່ກ່ຽວຂ້ອງ ເຂົ້າຮ່ວມ.ຈາກນັ້ນ ທ່ານ ມິນ ອ່ອງ ຫລ່າຍ ໄດ້ມອບຂອງຂວັນ ເຊີດຊູກຽດແກ່ທີມວິສາວະກອນ ທີ່ມີສ່ວນຮ່ວມໃນງານກໍ່ສ້າງ.
ອຸໂມງທາງຍ່າງແຫ່ງນີ້ ເລີ່ມຕົ້ນກໍ່ສ້າງ ເດືອນຕຸລາ 2023 ເຊື່ອມຕໍ່ທາງເຂົ້າ ຝັ່ງຕາເວັນຕົກ ຂອງເຈດີເວດາກອງ ກັບຈັດຕຸລັດ ແລະ ສວນສາທາ ລະນະປະຊາຊົນ ມີຂະໜາດກວ້າງ 7ແມັດ ຍາວ ປະມານ 140ແມັດ ແລະ ສູງກວາ 3ແມັດ, ໂດຍເຂົ້າໄດ້ 4 ທາງ, ສາມາດຮັບຮອງ ຜູ້ຄົນມາເຖິງ 14.000 ຄົນຕໍ່ຊົ່ວໂມງ ມາພ້ອມກັບຂັ້ນໄດເລື່ອນ 4 ແຫ່ງ ແລະ ລິບຟ 2 ແຫ່ງ ສໍາລັບຜູ້ສູງອາຍຸ ແລະ ຄົນພິການ.
ການພັດທະນາ ພື້ນຖານໂຄງລາງນີ້ ແນໃສ່ເພີ່ມຄວາມປອດໄພ ຂອງຄົນຍ່າງ ແລະ ຫລຸດຜ່ອນ ບັນຫາ ການຈາລະຈອນ ຕິດຂັດ, ໂດຍອຸໂມງ ທາງຍ່າງເປັນປະໂຫຍດ ກັບຊຸມຊົນທ້ອງຖິ່ນ ແລະ ເປັນຕົວຢ່າງ ການພັດທະນາເມືອງ ໃນນະຄອນ ຢ່າງກຸ້ງອີກດ້ວຍ./.
KPL
