ຂປລ
ກະຊວງການທ່ອງທ່ຽວ ຂອງກຳປູເຈຍ ລາຍງານວ່າ: ຈຳນວນນັກທ່ອງທ່ຽວ ຊາວຈີນ ທີ່ເດີນທາງຢ້ຽມຢາມ ກຳປູເຈຍ ໃນໄລຍະເດືອນ ມັງກອນ-ເດືອນພະຈິກ ຂອງປີ 2024 ລວມຢູ່ທີ 769.775 ຄົນ ,ເພີ່ມຂຶ້ນ 54,5% ເມື່ອທຽບປີຕໍ່ປີ.
ຂປລ.ສຳນັກຂ່າວ ຊິນຮວາຂອງ ສປຈີນ, ກະຊວງການທ່ອງທ່ຽວ ຂອງກຳປູເຈຍ ລາຍງານວ່າ: ຈຳນວນນັກທ່ອງທ່ຽວ ຊາວຈີນ ທີ່ເດີນທາງຢ້ຽມຢາມ ກຳປູເຈຍ ໃນໄລຍະເດືອນ ມັງກອນ-ເດືອນພະຈິກ ຂອງປີ 2024 ລວມຢູ່ທີ 769.775 ຄົນ ,ເພີ່ມຂຶ້ນ 54,5% ເມື່ອທຽບປີຕໍ່ປີ.
ຈຳນວນນັກທ່ອງທ່ຽວ ຊາວຈີນ ກວມເອົາ 12,8% ຂອງຈຳນວນນັກທ່ອງທ່ຽວ ຊາວຕ່າງປະເທດ ທີ່ເດີນທາງຢ້ຽມຢາມ ກຳປູເຈຍ ໃນໄລຍະ 11 ເດືອນທຳອິດຂອງປີ 2024 ທັງໝົດ 6 ລ້ານເທື່ອຄົນ . ຂະນະທີ່ ສປຈີນ ເປັນແຫລ່ງ ນັກທ່ອງທ່ຽວ ຊາວຕ່າງປະເທດ ຂະໜາດໃຫຍ່ທີ່ສຸດ ອັນດັບ 3 ຖັດຈາກ ໄທ ແລະ ສສ ຫວຽດນາມ
ຊຶ່ງການເຕີບໂຕຂອງ ຈຳນວນນັກທ່ອງທ່ຽວ ຊາວຈີນ ເປັນໂອກາດ ສຳຄັນ ຊ່ວຍກະຕຸ້ນ ການພັດທະນາ ອຸດສາຫະກຳ ການທ່ອງທ່ຽວ ແລະ ການສ້າງໂອກາດ ທັງການລົງທຶນ ໃນພາກທຸລະກິດອື່ນໆ ເຮັດໃຫ້ນັກທ່ອງທ່ຽວ ແລະ ນັກລົງທຶນຊາວຈີນ ສຳຄັນຕໍ່ອານາຄົດ ຂອງອຸດສາຫະກຳ ການທ່ອງທ່ຽວ ກຳປູເຈຍ.
ຂະນະທີ່ ການທ່ອງທ່ຽວ ເປັນໜຶ່ງໃນເສົາຫລັກ ທີ່ຊຸກຍູ້ ເສດຖະກິດ ກຳປູເຈຍ ນອກຈາກການສົ່ງອອກເສື້ອຜ້າ-ເກີບ, ສິນຄ້າ ເພື່ອການເດີນທາງ , ກະສິກໍາ ແລະ ການກໍ່ສ້າງ-ອະສັງຫາລິມະຊັບ, ໂດຍກຳປູເຈຍ ຮອງຮັບ ນັກທ່ອງທ່ຽວ ຕ່າງປະເທດ ໃນປີ 2023 ລວມ 5,45 ລ້ານເທື່ອຄົນ ແລະ ເຮັດໃຫ້ລາຍໄດ້ ຫລາຍກວ່າ 3ຕື້ໂດລາສະຫະລັດ./.
KPL
