ຂປລ
ກຸ່ມນັກຊ່ຽວຊານ ຂອງທະນາຄານ HSBC ຫວຽດນາມ ຍົກລະດັດ ການຄາດຄະເນ ການເຕີບໂຕ ເສດຖະກິດ ຫວຽດນາມ ໃນປີນີ້ ຈະເພີ່ມຂຶ້ນເປັນ 7% ຫລັງຈາກ ປະກາດ ຂໍ້ສັງເກດ ໂດຍສັງລວມ ກ່ຽວກັບ ສະພາບ ເສດຖະກິດ ມະຫາພາກ ໃນປີ 2024 ກໍຄື ການສະຫລຸບ ແງ່ຫວັງ ໃນ ປີ 2025.
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ກຸ່ມນັກຊ່ຽວຊານ ຂອງທະນາຄານ HSBC ຫວຽດນາມ ຍົກລະດັດ ການຄາດຄະເນ ການເຕີບໂຕ ເສດຖະກິດ ຫວຽດນາມ ໃນປີນີ້ ຈະເພີ່ມຂຶ້ນເປັນ 7% ຫລັງຈາກ ປະກາດ ຂໍ້ສັງເກດ ໂດຍສັງລວມ ກ່ຽວກັບ ສະພາບ ເສດຖະກິດ ມະຫາພາກ ໃນປີ 2024 ກໍຄື ການສະຫລຸບ ແງ່ຫວັງ ໃນ ປີ 2025. ຕາມບັນດາ ນັກຊ່ຽວຊານ HSBC ແລ້ວ, ເສດຖະກິດ ຫວຽດນາມ ໃນປີນີ້ ໄດ້ຮັບໝາກຜົນ ອັນຕັ້ງໜ້າ ຫລາຍຢ່າງ ຖືກຊັກຈູງ ໂດຍການຜະລິດ, ການສົ່ງອອກ, ການລົງທຶນໂດຍກົງ ຈາກຕ່າງປະເທດ. ພາຍຫລັງ ການເລີ່ມຕົ້ນ ທີ່ຫຍຸ້ງຍາກໃນໄຕມາດ ທຳອິດ ຂອງປີນີ້, ຮູບພາບ ເສດຖະກິດ ພາຍໃນປະເທດ ສ່ວນຫລາຍ ນັບມື້ນັບ ພັດທະນາ ຢ່າງແຂງແຮງ, ນຳຫວຽດນາມ ກັບຄືນສູ່ ລະດັບເຕີບໂຕ ທີ່ດີເດັ່ນ ໃນກຸ່ມ ອາຊຽນ. ໂດຍສະເພາະ ຄວາມໄວ ຂອງຂະບວນ ການຟື້ນຕົວ ເສດຖະກິດ ໃນໄລຍະ 6 ເດືອນ ທ້າຍປີນີ້ ຍັງສືບຕໍ່ ຖືກຊັກຈູງ ໂດຍການຜະລິດ ດ້ວຍລະດັບ ການເຕີບໂຕ ຂອງດັດຊະນີ ການຜະລິດ ຂະແໜງ ອຸດສາຫະກໍາ (IIP) ໄລ່ລວມ 11 ເດືອນ ເພີ່ມຂຶ້ນ 8,4% ເມື່ອທຽບໃສ່ ໄລຍະດຽວກັນ ຂອງປີກາຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
