ຂປລ
ຍອດວົງເງິນ ສົ່ງອອກ - ນຳເຂົ້າ ຂອງ ສສ ຫວຽດນາມ ບັນລຸ 745 ຕື້ ໂດລາສະຫະລັດ ໃນໄລຍະ ແຕ່ວັນທີ 1 ມັງກອນ - 14 ທັນວາປີນີ້, ຮັບຮູ້ ລະດັບ ການເຕີບໂຕ ຫລາຍກວ່າ 15% ເມື່ອທຽບໃສ່ປີກາຍ.
ຂປລ.ວິທະຍຸ ກະຈາຍສຽງ ຫວຽດນາມ, ກົມໃຫຍ່ ພາສີ ຫວຽດນາມ ໄດ້ປະກາດ ຕົວເລກ ຫລ້າສຸດ ໃຫ້ຮູ້ວ່າ: ຍອດວົງເງິນ ສົ່ງອອກ - ນຳເຂົ້າ ຂອງ ສສ ຫວຽດນາມ ບັນລຸ 745 ຕື້ ໂດລາສະຫະລັດ ໃນໄລຍະ ແຕ່ວັນທີ 1 ມັງກອນ - 14 ທັນວາປີນີ້, ຮັບຮູ້ ລະດັບ ການເຕີບໂຕ ຫລາຍກວ່າ 15% ເມື່ອທຽບໃສ່ປີກາຍ. ໝາກຜົນນີ້ ໄດ້ສະແດງ ໃຫ້ເຫັນການຟື້ນຕົວ ແລະ ການເຕີບໂຕ ຢ່າງແຮງຂອງພື້ນຖານ ເສດຖະກິດ ຫວຽດນາມ ໃນສະພາບການ ເສດຖະກິດທົ່ວໂລກ ຍັງມີການເໜັງຕິງ ຫລາຍຢ່າງ.ລະອຽດ, ວົງເງິນສົ່ງອອກ ບັນລຸ 384 ຕື້ໂດລາສະຫະລັດ, ເພີ່ມຂຶ້ນ ເກືອບ 14,5%, ໃນຂະນະນັ້ນ ການນຳເຂົ້າ ບັນລຸເກືອບ 361 ຕື້ໂດລາສະຫຫະລັດ, ເພີ່ມຂຶ້ນ 16,3%. ມູນຄ່າສິນຄ້າ ຜ່ານແດນກໍ່ເຕີບໂຕຢ່າງແຮງ ຢູ່ທັງສອງສົ້ນ ແລະ ດຸ່ນການຄ້າສິນຄ້າຂອງ ສສ ຫວຽດນາມ ມີສ່ວນເກີນ 23,4 ຕື້ໂດລາສະຫະລັດ. ບົນພື້ນຖານນັ້ນ, ກົມໃຫຍ່ພາສີ ຄາດຄະເນວ່າ: ວົງເງິນສົ່ງອອກ-ນຳເຂົ້າທັງປີ 2024 ຈະບັນລຸໄດ້ປະມານ 782 ຕື້ ໂດລາສະຫະລັດ ດ້ວຍລະດັບ ການສົ່ງອອກ ເກີນດຸ່ນ ຄາດວ່າ ບັນລຸ 23,5 ຕື້ ໂດລາສະຫະລັດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
