ຂປລ
ຂປລ. ບໍລິສັດ ບິກບລູ ອາເຈນຊີລາວ ໜຶ່ງໃນຜູ້ນຳດ້ານການໂຄສະນາ ແລະ ປະຊາສຳພັນຂອງ ສປປ ລາວ ໄດ້ສະເຫລີມສະຫລອງ ຄົບຮອບ 20 ປີ ໃນວັນທີ 20 ທັນວາ 2024 ຜ່ານມາ, ຢູ່ນະຄອນຫລວງວຽງຈັນ
ຂປລ. ບໍລິສັດ ບິກບລູ ອາເຈນຊີລາວ ໜຶ່ງໃນຜູ້ນຳດ້ານການໂຄສະນາ ແລະ ປະຊາສຳພັນຂອງ ສປປ ລາວ ໄດ້ສະເຫລີມສະຫລອງ ຄົບຮອບ 20 ປີ ໃນວັນທີ 20 ທັນວາ 2024 ຜ່ານມາ, ຢູ່ນະຄອນຫລວງວຽງຈັນ ໂດຍມີ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ, ທ່ານ ນາງ ມໍຣະກົດ ສີສະຫວັດ ເອກອັກຄະຣາ ຊະທູດຣາຊະອານາ ຈັກໄທ ປະຈໍາ ສປປ ລາວ, ພ້ອມດ້ວຍຄະນະບໍລິຫານບໍລິສັດ ບິກບລູ ອາເຈນຊີລາວ ແລະ ແຂກຖືກເຊີນເຂົ້າຮ່ວມ.
ທ່ານ ສັນທະລັກ ຈ່າສານ ປະທານບໍລິສັດ ບິກບລູ ອາເຈນຊີລາວ ໄດ້ຍົກໃຫ້ເຫັນວິໄສທັດ ສຳ ລັບອະນາຄົດຂອງບໍລິສັດ ວ່າ: ໃນຂະນະທີ່ສະພາບແວດລ້ອມ ທາງທຸລະກິດໃນລາວ ມີການເຕີບໃຫຍ່ຢ່າງຕໍ່ເນື່ອງ ບໍລິສັດຈະມຸ່ງໝັ້ນຕັ້ງໃຈ ທີ່ຈະຂະຫຍາຍການບໍລິການ ໄປຍັງແຂວງຕ່າງໆຂອງລາວ ພ້ອມທັງປັບປຸງຜະລິດຕະພັນ ໃຫ້ທັນສະໄໝຫລາຍຂຶ້ນ ເພື່ອຕອບສະໜອງ ຄວາມຕ້ອງການຂອງລູກຄ້າ ເຊິ່ງຕະຫລອດໄລຍະເວລາ 20 ປີຜ່ານມາ, ບິກບລູ ອາເຈນຊີລາວ ໄດ້ສ້າງຊື່ສຽງ ໃນດ້ານການນຳສະເໜີ ລາຍການ ທີ່ມີຄຸນນະພາບ ແລະ ສ້າງສັນ ພ້ອມທັງ, ຮ່ວມງານກັບລູກຄ້າຊັ້ນນຳທັງພາຍໃນປະເທດ ແລະ ຕ່າງປະເທດ ເຊິ່ງເປັນການເນັ້ນຍໍ້າຄວາມມຸ່ງໝັ້ນ ໃນການສ້າງມາດຕະຖານໃໝ່ ໃຫ້ອຸດສາຫະກຳນີ້.
ບິກບລູ ອາເຈນຊີລາວ ໃຫ້ບໍລິການຫລາຍດ້ານ ເຊັ່ນ: ປ້າຍໂຄສະນາທີ່ເນັ້ນຕະຫລາດເປົ້າໝາຍ, ການວາງແຜນສື່ສຳລັບຮູບແບບອອນລາຍ ແລະ ອອບລາຍ, ການອອກແບບ ແລະ ສ້າງສັນປ້າຍໂຄສະ ນາທີ່ມີຄວາມໂດດເດັ່ນ, ການວາງແຜນປະຊາສຳພັນ ແລະ ການບໍລິຫານພາບລັກຂອງອົງກອນ, ການສ້າງແບຣນ (ຍີ່ຫໍ້) ແລະ ການຕະຫລາດ ຜ່ານອິນຟູເອນເຊີ ບໍລິສັດ ບິກບລູ ອາເຈນຊີລາວ ຍັງຄົງຕັ້ງໃຈພັດທະນານະວັດຕະກຳ ແລະ ສ້າງສັນບໍລິການທີ່ຕອບສະໜອງ ຄວາມຕ້ອງການ ຂອງລູກຄ້າຢ່າງຕໍ່ເນື່ອງໃນອະນາຄົດ ສຳລັບຂໍ້ມູນເພີ່ມເຕີມ ສາມາດ ສອບຖາມໄດ້ທີ່ເພຈ BigblueAgency Lao ຫລື ໂທ 020 7899 5959.
ຂ່າວ: ກິດຕາ
KPL
