ຂປລ
ເອກະສານຈາກ ລັດຖະບານ ຣັດເຊຍ ທີ່ເຜີຍແພ່ເມື່ອບໍ່ດົນມານີ້ວ່າ: ຣັດເຊຍ ຂະຫຍາຍເວລາ ຫ້າມນໍາເຂົ້າສິນຄ້າ ອາຫານຈາກກຸ່ມປະເທດ ທີ່ດຳເນີນມາດຕະການ ຂວໍ້າບາດ ຣັດເຊຍໄປຈົນເຖິງທ້າຍປີ 2026.
ຂປລ.ສຳນັກຂ່າວ ຊິນຮວາຂອງ ສປຈີນ, ເອກະສານຈາກ ລັດຖະບານ ຣັດເຊຍ ທີ່ເຜີຍແພ່ເມື່ອບໍ່ດົນມານີ້ວ່າ: ຣັດເຊຍ ຂະຫຍາຍເວລາ ຫ້າມນໍາເຂົ້າສິນຄ້າ ອາຫານຈາກກຸ່ມປະເທດ ທີ່ດຳເນີນມາດຕະການ ຂວໍ້າບາດ ຣັດເຊຍໄປຈົນເຖິງທ້າຍປີ 2026.
ກ່ອນໜ້ານີ້ ຄຳສັ່ງເບື້ອງຕົ້ນ ຫ້າມນໍາເຂົ້າອາຫານຈາກ ສ.ອາເມລິກາ,ສະຫະພາບເອີຣົບ, ການາດາ, ອັງກິດ, ອົດສະຕຣາລີ, ນອກແວ, ອູແກຣນ, ອານບານີ, ມົງເຕເນໂກຣ, ອຽກລັງ ແລະ ເລັກເຕນສະເຕນ. ຂະນະທີ່ ຄຳປະກາດ ຫລ້າສຸດ ໄດ້ເພີ່ມ ນູແວນເຊລັງ ລົງໃນລາຍຊື່ ກຸ່ມປະເທດດັ່ງກ່າວ ອີກດ້ວຍ.
ສຳລັບກຸ່ມສິນຄ້າ ທີ່ຫ້າມນໍາເຂົ້າໃນ ຣັດເຊຍ ໄດ້ແກ່: ຊິ້ນສັດ, ໄສ້ກອກ, ປາ, ອາຫານທະເລ, ຜະລິດຕະພັນນົມ, ຜັກ, ໝາກໄມ້ ແລະ ສິນຄ້າອື່ນໆ. ສ່ວນຣັດເຊຍ ເລີ່ມໃຊ້ມາດຕະການ ເບື້ອງຕົ້ນ ໃນປີ 2014 ແລະ ເມື່ອເດືອນກັນຍາປີ 2023 ໄດ້ມີການຂະຫຍາຍເວລາ ອອກໄປຈົນເຖິງ ທ້າຍປີ 2024./.
KPL
