ຂປລ
ກະຊວງສາທາລະນະສຸກ ຟີລິບປິນ ລາຍງານວ່າ: ຈຳນວນຜູ້ຕິດເຊື້ອເອຊໄອວີ (HIV)ຫລືຜູ້ຢູ່ຮ່ວມກັບເຊື້ອ ເອຊໄອວີ(PLHIV) ພາຍໃນປະເທດ ມີທ່າອຽງສູງເຖິງ 215.400 ຄົນ(ຄິດໄລ່ເຖິງທ້າຍປີ 2024ນີ້).
ຂປລ.ສຳນັກຂ່າວຊິນຮວາຂອງ ສປຈີນ, ເມື່ອບໍ່ດົນມານີ້, ກະຊວງສາທາລະນະສຸກ ຟີລິບປິນ ລາຍງານວ່າ: ຈຳນວນຜູ້ຕິດເຊື້ອເອຊໄອວີ (HIV)ຫລືຜູ້ຢູ່ຮ່ວມກັບເຊື້ອ ເອຊໄອວີ(PLHIV) ພາຍໃນປະເທດ ມີທ່າອຽງສູງເຖິງ 215.400 ຄົນ(ຄິດໄລ່ເຖິງທ້າຍປີ 2024ນີ້).
ໂດຍຜູ້ຢູ່ຮ່ວມກັບເຊື້ອ ເອຊໄອວີ ທີ່ໄດ້ຮັບການວິນິໄສ ຫລື ຢືນຢັນຜົນຈາກຫ້ອງປະຕິບັດການ ແລະ ປັດຈຸບັນໃຊ້ຊີວິດຫລື ບໍ່ມີລາຍງານການເສຍຊີວິດ ມີທ່າອຽງຢູ່ທີ 131.355ຄົນ(ຄິດໄລ່ເຖິງທ້າຍເດືອນກັນຍາທີ່ຜ່ານມາ).
ຂະນະທີ່ຄາດການຂອງແບບຈຳລອງ ການແພ່ລະບາດຂອງພະຍາດເອດສພົບວ່າ:ຈຳນວນຜູ້ຢູ່ຮ່ວມກັບເຊື້ອເອຊໄອວີ ໃນຟີລິບປິນ ອາດສູງເຖິງປະມານ 4,48 ແສນຄົນ ພາຍໃນປີ 2030 ຫາກບໍ່ມີການຍົກລະດັບປ້ອງກັນ ແລະ ຊ່ວຍເຫລືອ.
ກະຊວງຮ່ວມມື ກັບສະພາພະຍາດເອດສ ແຫ່ງຊາດ ຟີລິບປິນ ເປີດຕົວໂຄງການ ເລັ່ງປ້ອງກັນ ການຕິດເຊື້ອເອຊໄອວີ ເພີ່ມຂຶ້ນ ເມື່ອວັນທີ 1 ທັນວາ ເນື່ອງຈາກວັນເອດສໂລກ ປີ 2024. ໂຄງການດັ່ງກ່າວ ແນໃສ່ຈັດການ ແລະ ເປີດການສົນທະນາ ກ່ຽວກັບການປ້ອງກັນ ເຊື້ອເອຊໄອວີ/ເອດສ ເພື່ອປະກາດເຕືອນ ປະຊາຊົນວ່າ ສາມາດເຂົ້າເຖິງ ການກວດ ເຊື້ອຕາມສະຖານທີ່ ໂຮງໝໍເບື້ອງຕົ້ນ, ຄລີນິກທ້ອງຖິ່ນ, ສູນອານາໄມ ແລະ ໜ່ວຍງານກວດເຄື່ອນທີ່ໄດ້ຢ່າງດີ./.
KPL
