ຂປລ
ກະຊວງອຸດສາຫະກຳ ແລະ ກະຊວງຄວາມໝັ້ນຄົງທາງຊີວະພາບ ແລະ ຄວາມປອດໄພທາງອາຫານ ຂອງນູແວນເຊລັງ ອອກຖະແຫລງການຢຸດຕິ ການສົ່ງອອກ ຜະລິດຕະພັນສັດປິກທຸກຊະນິດ ເນື່ອງຈາກກວດພົບ ການແພ່ລະບາດ ຂອງເຊື້ອພະຍາດ ໄຂ້ຫວັດສັດປີກສາຍພັນ ເອຊ7 ເອັນ 6
ຂປລ.ສຳນັກຂ່າວຕ່າງປະເທດ, ເມື່ອບໍ່ດົນມານີ້, ກະຊວງອຸດສາຫະກຳ ແລະ ກະຊວງຄວາມໝັ້ນຄົງທາງຊີວະພາບ ແລະ ຄວາມປອດໄພທາງອາຫານ ຂອງນູແວນເຊລັງ ອອກຖະແຫລງການຢຸດຕິ ການສົ່ງອອກ ຜະລິດຕະພັນສັດປິກທຸກຊະນິດ ເນື່ອງຈາກກວດພົບ ການແພ່ລະບາດ ຂອງເຊື້ອພະຍາດ ໄຂ້ຫວັດສັດປີກສາຍພັນ ເອຊ7 ເອັນ 6 ທີ່ຟາມສັດປິກແຫ່ງໜຶ່ງ ໃນພາກພື້ນໂອຕາໂກ ທາງຕາເວັນອອກສຽງເໜືອ ຂອງເກາະໃຕ້.
ເຖິງວ່າບໍ່ມີການກວດພົບ ສັດປິກຕາຍ ແລະ ເປັນພະຍາດຕາມຟາມແຫ່ງອື່ນໆ ທີ່ຢູ່ໃກ້ຄຽງ ແລະກັບສັດປິກທີ່ອາໄສຢູ່ຕາມທຳມະຊາດ ແລະ ຍັງບໍ່ພົບການຕິດເຊື້ອ ສາຍພັນດັ່ງກ່າວ ໃນມະນຸດ. ແຕ່ເຖິງຢ່າງໃດກໍ່ຕາມ ເພື່ອຄວາມປອດໄພຂອງທຸກຝ່າຍ ຕາມຂະບວນການສາທາລະນະສຸກ ຈຶ່ງໃຊ້ເວລາຢ່າງໜ້ອຍ 21 ວັນຕາມໄລຍະການຟັກຕົວຂອງພະຍາດ ເພື່ອເຝົ້າລະວັງ ສະຖານະການ ແລະ ກັບມາສົ່ງອອກສິນຄ້າ ອີກຄັ້ງ ເມື່ອໄດ້ຮັບການຢືນຢັນຈາກຜູ້ຊ່ຽວຊານ ວ່າສະຖານະການປອດໄພດີ./.
KPL
