ຂປລ
ຂປລ. ວັນທີ 16 ກັນຍາ 2024 ທີ່ນະຄອນຫລວງວຽງຈັນ, ໄດ້ມີພິທີລົງນາມອະນຸສັນຍາ ຂໍ້ຕົກລົງການລົງທຶນ ຮອບດ້ານອາຊຽນ(ACIA) ສະບັບທີ 5 ເຊິ່ງມີບາງປະເທດສະມາຊິກອາຊຽນເທົ່ານັ້ນ ທີ່ຮ່ວມລົງນາມໃນອະນຸສັນຍາຄັ້ງນີ້.
ຂປລ. ວັນທີ 16 ກັນຍາ 2024 ທີ່ນະຄອນຫລວງວຽງຈັນ, ໄດ້ມີພິທີລົງນາມອະນຸສັນຍາ ຂໍ້ຕົກລົງການລົງທຶນ ຮອບດ້ານອາຊຽນ(ACIA) ສະບັບທີ 5 ເຊິ່ງມີບາງປະເທດສະມາຊິກອາຊຽນເທົ່ານັ້ນ ທີ່ຮ່ວມລົງນາມໃນອະນຸສັນຍາຄັ້ງນີ້.
ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ ສປປ ລາວ ໄດ້ໃຫ້ຮູ້ວ່າ: ອະນຸສັນຍາ ການປັບປຸງສັນຍາການລົງທຶນຮອບດ້ານອາຊຽນ (ACIA) ສະບັບທີ 5 ນີ້ແມ່ນຂໍ້ຕົກລົງສໍາຄັນລະຫວ່າງ ບັນດາປະເທດສະມາຊິກອາຊຽນ ໄດ້ສະທ້ອນເຖິງຄວາມໝາຍໝັ້ນ ຢ່າງຕໍ່ເນື່ອງຂອງພວກເຮົາ ຕໍ່ກັບນັກລົງທຶນ ແລະ ພາກເອກະຊົນເປັນຈໍານວນຫລວງຫລາຍ ເນື່ອງຈາກວ່າອະນຸສັນຍາສະບັບນີ້ ໃຫ້ຄວາມແນ່ນອນ ແລະ ມີຄວາມໂປ່ງໃສຫລາຍຂຶ້ນ ກ່ຽວກັບລະບອບການລົງ ທຶນໃນອາຊຽນ, ພ້ອມທັງຮັບປະກັນວ່າສັນຍາ ການລົງທຶນພາຍໃນອາຊຽນ ຍັງກ່ຽວຂ້ອງກັບບັນດາສັນ ຍາພາຍນອກຂອງອາຊຽນ. ອະນຸສັນຍາດັ່ງກ່າວ, ມີຈຸດປະສົງເພື່ອຫັນປ່ຽນລາຍການສະຫງວນການລົງ ທຶນ ໂດຍສະເພາະແມ່ນ ໄດ້ກຳນົດການຈັດຕັ້ງປະຕິບັດ ການປ່ຽນແທນລາຍການສໍາຮອງ ພາຍໃຕ້ຂໍ້ຕົກ ລົງການລົງທຶນຮອບດ້ານອາຊຽນ ທີ່ມີເອກກະສານຊ້ອນທ້າຍ 1 ສະບັບ ໄປສູ່ຂໍ້ຕົກລົງການລົງທຶນ ຮອບດ້ານອາຊຽນ ທີ່ມີເອກະສານຊ້ອນທ້າຍ 2 ສະບັບທີ່ທັນສະໄຫມຂຶ້ນ. ລວມເຖິງການສະຫງວນສິດຕໍ່ພັນທະຜູກມັດ ໃນການຫ້າມຂໍ້ກຳນົດການປະຕິບັດ ທີ່ໄດ້ມີການຕົກລົງກັນກ່ອນໜ້ານີ້ ໃນອະນຸສັນຍາ ສະບັບທີ 4 ທີ່ ເພື່ອປັບປຸງສັນຍາການລົງທຶນຮອບດ້ານອາຊຽນ. ນອກນັ້ນ ອະນຸສັນຍາສະບັບນີ້ ຍັງໄດ້ກຳນົດໃຫ້ຂະຫຍາຍຂອບເຂດ ເພີ່ມເຕີ່ມນອກຈາກຂອບເຂດ ການຜະລິດທີ່ມີຢູ່ເຊັ່ນ: ການກະເສດ, ການປະມົງ, ປ່າໄມ້, ການຂຸດ ຄົ້ນບໍ່ແຮ່ ແລະ ການບໍລິການທີ່ກ່ຽວຂ້ອງ ເຊິ່ງກົນໄກນີ້ຈະຖືກນໍາໃຊ້ ໃນບາງປະເທດສະມາຊິກອາຊຽນເທົ່ານັ້ນ.
ພິທີລົງນາມອະນຸສັນຍາ ການລົງທຶນ ຮອບດ້ານອາຊຽນ(ACIA) ສະບັບທີ 5 ໃນຄັ້ງນີ້, ເປັນການປູທາງໄປສູ່ການວາງຮາກຖານ ທີ່ເຂັ້ມແຂງຍິ່ງຂຶ້ນ ສໍາລັບນະໂຍບາຍ ແລະ ແນວທາງການລົງທຶນລະຫວ່າງ ປະເທດສະມາຊິກອາຊຽນ, ເຊື່ອໝັ້ນວ່າອາຊຽນ ຈະການເປັນຈຸດໝາຍປາຍທາງທີ່ໜ້າດຶງດູດ ແລະ ມີຄວາມໝັ້ນຄົງຍິ່ງຂຶ້ນ ສໍາລັບການລົງທຶນຈາກທົ່ວໂລກ.
ຂ່າວ: ສົມຫວັງ
ພາບ: ເກດສະໜາ
KPL