ສືບຕໍ່ຜັນຂະຫຍາຍການພົວພັນແບບພິເສດ ລາວ-ຫວຽດນາມ ແລະ ຫວຽດນາມ-ລາວ

09/07/2024 09:43
Email Print 565
ຂປລ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານຫວຽດນາມລາວ ໃນຊຸມປີຜ່ານມານີ້ ໄດ້ສືບຕ່ໍເສີມຂະຫຍາຍຢ່າງໜັກແໜ້ນ ໃຫ້ເຂົ້າສູ່ລວງເລິກໃນທຸກຂົງເຂດວຽກງານ ເພື່ອຢັ້ງຢືນຜົນສຳເລັດແຫ່ງການພົວພັນຮ່ວມມືສອງຝ່າຍ;

     *ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານຫວຽດນາມລາວ ໃນຊຸມປີຜ່ານມານີ້ ໄດ້ສືບຕ່ໍເສີມຂະຫຍາຍຢ່າງໜັກແໜ້ນ ໃຫ້ເຂົ້າສູ່ລວງເລິກໃນທຸກຂົງເຂດວຽກງານ ເພື່ອຢັ້ງຢືນຜົນສຳເລັດແຫ່ງການພົວພັນຮ່ວມມືສອງຝ່າຍ ທີ່ມີແຕ່ດົນນານນັ້ນ ສະຫາຍປະທານປະເທດ ໂຕ ເລິ່ມ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການລະຫວ່າງ ວັນທີ 11-12 ກໍລະກົດ ຕາມຄຳເຊີນຂອງສະຫາຍ ເລຂາທິການໃຫຍ່ຄະນະບໍລິຫານ ງານສູນກາງພັກປະຊາຊົນ ປະຕິວັດລາວ, ປະທານປະເທດແຫ່ງ ສປປ ລາວ ທອງລຸນ ສີສຸລິດ.

    ປະເທດລາວ ເປັນປະເທດທຳອິດທີ່ ສະຫາຍ ໂຕ ເລິ່ມ ໄດ້ເດີນທາງມາຢ້ຽມຢາມພາຍຫລັງໄດ້ກອງປະຊຸມສະພາແຫ່ງຊາດສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 15 ເລືອກຕັ້ງເປັນປະທານປະເທດ ເຊິ່ງເປັນການສະແດງໃຫ້ເຫັນຄວາມເອົາໃຈໃສ່ ຂອງພັກ, ລັດ ແລະ ປະຊາຊົນຫວຽດນາມ ໃນການພົວພັນແບບພິເສດ ລະຫວ່າງລາວ - ຫວຽດນາມ ແລະ ຫວຽດນາມ - ລາວ. ໃນການພົວພັນດ້ານການເມືອງ ລະຫວ່າງ ສອງປະເທດ ໄດ້ສືບຕໍ່ຂະຫຍາຍຕົວ ຊຶ່ງສອງຝ່າຍສືບຕໍ່ເສີມຂະຫຍາຍປະສິດທິຜົນຂອງບັນດາ ກົນໄກຮ່ວມມືສອງຝ່າຍ, ໂດຍໄດ້ສົມທົບກັນຈັດຕັ້ງກອງປະຊຸມຄະນະກໍາມະການຮ່ວມມືທະວີພາຄີ ລະຫວ່າງ ລັດຖະບານລາວ-ຫວຽດນາມ ຄັ້ງທີ 46 ໃນເດືອນມັງກອນ 2024 ຜ່ານມາ ຊຶ່ງກອງປະຊຸມດັ່ງກ່າວໄດ້ຮັບຜົນສໍາເລັດອັນດີງາມ.

    ນອກນັ້ນ, ທັງສອງຝ່າຍຮັກສາການພົວພັນແລກປ່ຽນຄະນະຜູ້ແທນທຸກຂັ້ນ ແລະ ຊ່ອງທາງຕ່າງໆ. ການຮ່ວມມືດ້ານປ້ອງກັນຊາດປ້ອງກັນຄວາມສະຫງົບສືບຕໍ່ເປັນເສົາຄ້ຳ ໃນການພົວພັນລະຫວ່າງສອງປະເທດ, ປະກອບສ່ວນຮັກສາສະຖຽນລະພາບດ້ານການເມືອງ, ຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມຂອງແຕ່ລະປະເທດ ແລະ ເຂດຊາຍແດນ ລະຫວ່າງ 2 ປະເທດ. ການຮ່ວມມືດ້ານເສດຖະກິດ, ການຄ້າ ແລະ ການລົງທຶນສືບຕໍ່ໄດ້ຮັບການຊຸກຍູ້ ແລະ ບັນລຸຜົນງານຢ່າງຕັ້ງໜ້າ. ມູນຄ່າການຄ້າ ສອງຝ່າຍໃນ 6 ເດືອນຕົ້ນປີ 2024 ບັນລຸ 779,6 ລ້ານໂດລາ. ປັດຈຸບັນ ຫວຽດນາມມີ 245 ໂຄງການລົງທຶນຢູ່ລາວ ດ້ວຍຍອດຈຳນວນທຶນຈົດທະບຽນ 5,5 ຕື້ໂດລາ, ສືບຕໍ່ເປັນປະເທດອັນດັບຕົ້ນໆທີ່ເຂົ້າມາລົງທຶນຢູ່ລາວ.

    ການຮ່ວມມືດ້ານການສຶກສາ, ພັດທະນາຊັບພະຍາກອນມະນຸດ ແລະ ການຝຶກອົບຮົມອາຊີບ ໄດ້ຮັບຄວາມເອົາໃຈໃສ່ເປັນພິເສດຂອງສອງຝ່າຍ. ກະຊວງສຶກສາຂອງສອງປະເທດ ໄດ້ປະກາດແຜນງານການຮ່ວມມືດ້ານການສຶກສາຫວຽດນາມ-ລາວ ໄລຍະ 2021- 2030 ແລະ ໄດ້ລົງນາມໃນອະນຸສັນຍາວ່າດ້ວຍການຮ່ວມມືດ້ານການສຶກສາ ຫວຽດນາມ-ລາວ ໄລຍະ 2022-2027. ການຮ່ວມມືລະຫວ່າງບັນດາທ້ອງຖ່ິນ ໂດຍສະເພາະແມ່ນບັນດາທ້ອງຖິ່ນຮ່ວມຊາຍແດນສືບຕໍ່ໄດ້ຮັບການສົ່ງເສີມ ໂດຍສະເພາະແມ່ນການກໍ່ສ້າງພື້ນຖານໂຄງລ່າງ, ສາທາລະນະສຸກ, ການກໍ່ສ້າງ ແລະ ພັດທະນາແຫລ່ງຊັບພະຍາກອນມະນຸດ, ການຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຄວາມປອດໄພຢູ່ເຂດຊາຍແດນ ຂອງ 2 ປະເທດ. ທັງສອງປະເທດສົມທົບກັນຢ່າງໃກ້ຊິດກ່ຽວກັບບັນຫາຕ່າງໆໃນລະດັບພາກພື້ນ ແລະ ສາກົນທ່ີຕ່າງຝ່າຍຕ່າງມີຄວາມສົນໃຈ; ສະໜັບສະໜູນເຊິ່ງກັນ ແລະ ກັນຢູ່ບັນດາເວທີພາກພື້ນ ແລະ ສາກົນ, ໂດຍສະເພາະແມ່ນໃນຂອບ ຂອງ ສປຊ, ສະມາຄົມປະຊາຊາດອາຊີຕາເວັນອອກສຽງໃຕ້ (ອາຊຽນ) ແລະບັນດາກົນໄກອະນຸພາກພື້ນ.

    ຫວຽດນາມ ຢືນຢັນຄວາມພ້ອມຈະສະໜັບສະໜຸນລາວ ຈັດສໍາເລັດກອງປະຊຸມຕ່າງໆອາຊຽນ ໃນປີ 2024 ນີ້. ການຮ່ວມມືຢ່າງແໜ້ນແຟ້ນ ລະຫວ່າງສອງປະເທດ ຈະປະກອບສ່ວນຍົກສູງຖານະບົດບາດຂອງແຕ່ລະປະເທດໃນເວທີສາກົນ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໂລກ. ໃນສະພາບການຜັນຂະຫຍາຍຂອງພາກພື້ນ ແລະ ສາກົນທ່ີສັບສົນ, ການຢ້ຽມຢາມລາວຂອງ ສະຫາຍ ປະທານປະເທດ ໂຕເລິ່ມ ໄດ້ສະແດງການສະໜັບສະໜຸນຂອງຫວຽດນາມໃຫ້ແກ່ລາວ ໃນການບັນລຸເປົ້າໝາຍປ່ຽນແປງໃໝ່ ແລະ ສ້າງສາປະເທດຊາດ, ປະກອບສ່ວນພັດທະນາປະເທດຊາດ ແລະ ປະຕິບັດມະຕິ ຕົກລົງກອງປະຊຸມໃຫຍ່ ຄັ້ງທີ IX ຂອງພັກປະຊາຊົນປະຕິວັດລາວ ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ IX ປະສົບຜົນສໍາເລັດອັນຍິ່ງໃຫຍ່. ໝາກຜົນທີ່ບັນລຸ ໄດ້ໃນໄລຍະຢ້ຽມຢາມ ຈະປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ ແລະ ສາຍພົວພັນອັນໜັກແໜ້ນ ລະຫວ່າງ ການນຳຂັ້ນສູງຂອງສອງປະເທດ, ພ້ອມທັງຊຸກຍູ້ການຮ່ວມມື ລະຫວ່າງ 2 ຝ່າຍ ໃນທຸກຂົງເຂດໄດ້ເປັນຈິງ ແລະ ມີປະສິດທິຜົນ.

KPL

ຂ່າວອື່ນໆ

    • ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍບົດ-ສາລະຄະດີ

      ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍ

      7/19/2024 11:08:30 AM

      ໃນມາດຕາທີ 41 ຂອງກົດໝາຍວ່າດ້ວຍສັດນໍ້າ ແລະ ສັດປ່າ ໄດ້ກຳນົດໄວ້ວ່າ: ການເຄື່ອນຍ້າຍສັດນ້ຳ ແລະ ສັດປ່າ ປະເພດຫວງຫ້າມ ແລະ ປະເພດຄຸ້ມຄອງຈາກສະຖານທີ່ໜຶ່ງໄປສະຖານທີ່ອື່ນຢູ່ພາຍໃນປະເທດ ຕ້ອງໄປຕາມເສັ້ນ ທາງທີ່ໄດ້ກຳນົດໃຫ້ ແລະ ແຈ້ງເອກະສານຕໍ່ເຈົ້າໜ້າທີ່ປະຈຳດ່ານ ກວດກາຊຶ່ງປະກອບດ້ວຍໃບອະນຸຍາດເຄື່ອນຍ້າຍຂອງຂະແໜງການກະສິກຳ ແລະ ປ່າໄມ້, ໃບຢັ້ງຢືນສຸຂະພາບ, ໃບຢັ້ງຢືນຖິ່ນກຳເນີດ, ໃບທະບຽນສັດ.

    • ປ່ອຍແລ້ວ ຕ້ອງຮ່ວມກັນປົກປັກຮັກສາບົດ-ສາລະຄະດີ

      ປ່ອຍແລ້ວ ຕ້ອງຮ່ວມກັນປົກປັກຮັກສາ

      7/19/2024 11:00:41 AM

      ໃນວັນທີ 13 ກໍລະກົດ ຜ່ານມາເຫັນວ່າ: ຫລາຍທ້ອງຖິ່ນທາງພາກ ລັດ ແລະ ເອກະຊົນໃນຂອບເຂດທົ່ວປະເທດໄດ້ພ້ອມກັນສ້າງຂະບວນການປ່ອຍປາ ແລະ ສັດນໍ້າ ເພື່ອສະເຫລີມສະຫລອງວັນດັ່ງກ່າວຢ່າງຟົດຟື້ນ ແລະ ກໍຫວັງວ່າໄດ້ບັນລຸຕາມຄາດ ໝາຍທີ່ວາງໄວ້ ໂດຍສະເພາະແມ່ນສູ້ຊົນປ່ອຍປາໃຫ້ໄດ້ 64 ບ້ານ ໂຕທີ່ກະຊວງກະສິກຳ ແລະ ປ່າໄມ້ວາງໄວ້.

    • ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່ບົດ-ສາລະຄະດີ

      ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່

      7/19/2024 10:33:35 AM

      ວັນທີ 18 ກໍລະກົດ 2024, ພັກ​ກອມ​ມູ​ນິດ​ຈີນ​ໄດ້​ເຜີຍ​ແຜ່​ຖະ​ແຫລງ​ການ​ ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX ໂດຍ​ໄດ້​ວາງ​ແຜນ​ຍຸດ​ທະ​ສາດ​ກ່ຽວ​ກັບ​ການ​ລົງ​ເລິກ​ການ​ປະ​ຕິ​ຮູບ​ຢ່າງ​ຮອບ​ດ້ານ​ຕື່ມ​ອີກ ​ແລະ​ ຊຸກ​ຍູ້​ຄວາມ​ທັນ​ສະ​ໄໝ​ແບບ​ຈີນ ພ້ອມ​ທັງ​ວາງ​ມາດ​ຕະ​ການ​ລະ​ອຽດ.

    • ເກມພະນັນອອຍລາຍ ຜິດກົດໝາຍ ພ້ອມກັນຕ້ານບົດ-ສາລະຄະດີ

      ເກມພະນັນອອຍລາຍ ຜິດກົດໝາຍ ພ້ອມກັນຕ້ານ

      7/19/2024 10:02:21 AM

      ການພະນັນອອນລາຍ ຫລື ເກມອອນລາຍ ແມ່ນການຫລິ້ນເກມໃນຮູບແບບການສ່ຽງໂຊກທາງອອນລາຍ ກຳລັງມີທ່າອ່ຽງຂະຫຍາຍຕົວເພີ່ມຂຶ້ນໃນທົ່ວໂລກ ແລະ ມີຫລາຍປະເທດໄດ້ຫັນມາຄຸ້ມຄອງ ແລະ ຄວບຄຸມບັນຫາດັ່ງກ່າວຢ່າງເປັນລະບົບ, ຮອດປັດຈຸບັນນີ້ການພະນັນອອນລາຍຢູ່ປະເທດເຮົາ ຍັງສືບຕໍ່ເຄື່ອນໄຫວຢ່າງເສລີ ແລະ ມີແຫລ່ງເງິນຕາເຂົ້າ-ອອກປະເທດ ໂດຍບ່ໍໄດ້ຮັບການຄຸ້ມຄອງເປັນຈຳນວນຫລາຍ.

    • ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກບົດ-ສາລະຄະດີ

      ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກ

      7/19/2024 9:54:44 AM

      ໃນປະຫວັດສາດຂອງການພົວພັນສາກົນ ສາຍພົວພັນມິດຕະພາບທີ່ ເປັນມູນເຊ້ືອຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ເປັນແວ່ນແຍງແບບຢ່າງອັນພົ້ນເດັ່ນ ທີ່ບໍ່ເຄີຍມີມາກ່ອນ ໂດຍໄດ້ເອົາຜົນປະໂຫຍດມາສູ່ປະຊາຊົນສອງປະເທດ ທັງໃນຂະບວນການຕໍ່ສູ້ເພື່ອເອກະລາດເສລີພາບ ແລະ ຄວາມຮຸ່ງເຮືອງສີວິໄລໃນໄລຍະສ້າງສາ ແລະ ພັດທະນາປະເທດຊາດ.

ads
ads

Top