ຂປລ
ສຳນັກບໍລິຫານ ຂໍ້ມູນແຫ່ງຊາດ ຈີນ ຖະແຫລງ ວ່າ: ຈີນ ແລະ ສິງກະໂປ ໄດ້ສະແດງ ຄວາມມຸ່ງໝັ້ນ ຈະສົ່ງເສີມຄວາມຮ່ວມມື ທາງດ້ານດີຈີຕອນ ລະຫວ່າງ ກອງປະຊຸມກົນໄກ ການເຈລະຈາ ນະໂຍບາຍ ດີຈີຕອນ ທະວີພາຄີ ຄັ້ງທີ 1 ຢູ່ ເມືອງຝູໂຈວ ແຂວງຝູຈຽນ ທາງພາກຕາເວັນອອກສຽງໃຕ້ຂອງຈີນ ເມື່ອບໍ່ດົນມານີ້.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 30 ເດືອນມິຖຸນາ, ສຳນັກບໍລິຫານ ຂໍ້ມູນແຫ່ງຊາດ ຈີນ ຖະແຫລງ ວ່າ: ຈີນ ແລະ ສິງກະໂປ ໄດ້ສະແດງ ຄວາມມຸ່ງໝັ້ນ ຈະສົ່ງເສີມຄວາມຮ່ວມມື ທາງດ້ານດີຈີຕອນ ລະຫວ່າງ ກອງປະຊຸມກົນໄກ ການເຈລະຈາ ນະໂຍບາຍ ດີຈີຕອນ ທະວີພາຄີ ຄັ້ງທີ 1 ຢູ່ ເມືອງຝູໂຈວ ແຂວງຝູຈຽນ ທາງພາກຕາເວັນອອກສຽງໃຕ້ຂອງຈີນ ເມື່ອບໍ່ດົນມານີ້. ໂດຍທັງສອງຝ່າຍ ໄດ້ເຫັນດີ ຈະໃຊ້ກົນໄກ ເບື້ອງຕົ້ນ ເປັນພື້ນທີ່ ສະໜັບສະໜູນ ການແລກປ່ຽນ ແລະ ຄວາມຮ່ວມມື ທາງດີຈີຕອນ.
ຈຸດປະສົງຕົ້ນຕໍ ຂອງ ກອງປະຊຸມ ດັ່ງກ່າວ ເພື່ອແລກປ່ຽນ ລະຫວ່າງ ຜູ້ມີສ່ວນຮ່ວມ ຈາກລະດັບຕ່າງໆ ທັງໜ່ວຍງານ ລັດຖະບານ ມະຫາ ວິທະຍາໄລ, ສະຖາບັນວິໄຈ ແລະ ຜູ້ປະກອບການ. ນອກນີ້ ທັງສອງຝ່າຍ ຍັງໄດ້ປຶກສາຫາລື ຂີດຄວາມສາມາດ ໃນການຮ່ວມມື ດ້ານຕ່າງໆ ລວມເຖິງພາກທຸລະກິດ ເພື່ອຊຸກຍູ້ການໝູນວຽນ ຂໍ້ມູນຂ້າມຊາຍແດນ ຂອງ ຜູ້ປະກອບການ ປູກຝັງ ອຸດສາຫະກຳ ແລະ ຮູບແບບໃໝ່ ຂອງ ເສດຖະກິດ ດີຈີຕອນ ແລະ ສົ່ງເສີມ ການພັດທະນາ ທີ່ມີ ຄຸນນະພາບສູງ ຂອງ ການຄ້າ ດີຈີຕອນ./.
KPL