ຂປລ
ໜ່ວຍງານດ້ານ ສະພາບອາກາດ ຂອງສະຫະ ປະຊາຊາດ ກ່າວວ່າ: ອາຊີ ແມ່ນທະວີບ ທີ່ໄດ້ຮັບ ຜົນກະທົບ ໜັກຫລາຍທີ່ສຸດ ຈາກວິກິດການ ການປ່ຽນແປງ ຂອງດິນຟ້າ ອາກາດໂລກ ເກີດຂຶ້ນ ຕະຫລອດປີ 2023 ຫລັງຈາກ ອຸນຫະພູມ ສະເລ່ຍ ຂອງອາຊີ ໃນປີທີ່ຜ່ານມານີ້ ແມ່ນ 1,87 ອົງສາເຊ ສູງກວ່າ ອຸນຫະພູມ ສະເລ່ຍ ລະຫວ່າງ 1961 ແລະ 1990
ຂປລ.ສຳນັກຂ່າວເອເອຟພີ, ໜ່ວຍງານດ້ານ ສະພາບອາກາດ ຂອງສະຫະ ປະຊາຊາດ ກ່າວວ່າ:ອາຊີ ແມ່ນທະວີບ ທີ່ໄດ້ຮັບ ຜົນກະທົບ ໜັກຫລາຍທີ່ສຸດຈາກວິກິດການ ການປ່ຽນແປງ ຂອງດິນຟ້າ ອາກາດໂລກເກີດຂຶ້ນ ຕະຫລອດປີ 2023ຫລັງຈາກ ອຸນຫະພູມ ສະເລ່ຍ ຂອງອາຊີ ໃນປີທີ່ຜ່ານມານີ້ ແມ່ນ 1,87ອົງສາເຊ ສູງກວ່າ ອຸນຫະພູມ ສະເລ່ຍ ລະຫວ່າງ 1961ແລະ 1990, ຊຶ່ງເປັນສັນຍານ ສະແດງ ໃຫ້ເຫັນວ່າ.ພາກພື້ນນີ້ ພວມຜະເຊີນກັບ ພາວະໂລກຮ້ອນ ໄວກວ່າເຂດອື່ນໆ ຂອງໂລກ.ນອກຈາກ ສະພາບອາກາດຮ້ອນແຮງ ໃນປະຫວັດສາດ ຍັງຜະເຊີນກັບ ໄພແຫ້ງແລ້ງ, ຄື້ນຄວາມຮ້ອນສູງ,ພາຍຸຝົນຕົກ ແລະ ນ້ຳຖ້ວມ ກະທັນຫັນ ຍິ່ງໄດ້ຮັບຜົນກະທົບ ຈາກການປ່ຽນແປງ ຂອງດິນຟ້າ ອາກາດ ຫລາຍເທົ່າໃດ ສະພາບ ເສດຖະກິດ-ສັງຄົມ,ຊີວິດ ການເປັນຢູ່ ແລະ ສິ່ງແວດລ້ອມ ຍິ່ງໄດ້ຮັບ ຜົນກະທົບ ແລະ ໄດ້ຮັບຄວາມເສຍຫາຍ ຢ່າງຫລວງຫລາຍ ເທົ່ານັ້ນ ໂດຍສະເພາະ ເກີດໄພ ທຳມະຊາດ ກ່ຽວກັບນ້ຳ 79 ຄັ້ງໃນອາຊີ ເມື່ອປີກາຍນີ້ ເພີ່ມຂຶ້ນກວ່າ80%, ເປັນພາຍຸ ແລະ ນ້ຳຖ້ວມ ຄວາມຮຸນແຮງ ຂອງໄພທຳມະຊາດ ດັ່ງກ່າວ ເຮັດໃຫ້ ມີປະຊາຊົນ ໃນອາຊີ ເສຍຊີວິດ ຫລາຍກວ່າ 2.000ຄົນ ແລະ ມີຜູ້ໄດ້ຮັບຜົນກະທົບ ໂດຍກົງ ຫລາຍກວ່າ 9 ລ້ານຄົນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
