ຫ້ອງການສະຫະພັນແມ່ຍິງກອງທັບ ມອບເຄື່ອງຊຸກຍູ້ ກອງປະຕິບັດງານ 201

02/04/2024 19:01
Email Print 293
ຂປລ ຂປລ. ຫ້ອງການສະຫະພັນແມ່ຍິງກອງທັບ ໄດ້ນຳເອົາເຄື່ອງອຸປະໂພກ-ບໍລິໂພກ ລວມມູນຄ່າ 29 ລ້ານ​ກວ່າກີບ, ພ້ອມ​ດ້ວຍຢາປົວພະຍາດຈຳນວນໜຶ່ງ, ເງິນສົດ 8 ລ້ານກີບ ແລະ ເສື້ອຍືດແມ່ຍິງກອງທັບ ຈຳນວນ 70 ຜືນ ມູນຄ່າ 7 ລ້ານກີບ ໄປມອບໃຫ້ ກອງປະຕິບັດງານ 201 ກອງພົນທີ 1 ​ໃນວັນທີ 1 ເມສາ 2024 ໂດຍອີງຕາມແຜນການເຄື່ອນໄຫວວຽກງານ ຂອງຫ້ອງການສະຫະພັນແມ່ຍິງກອງທັບ ປະຈຳປີ 2024 ກ່ຽວກັບການປຸກລະດົມເຄື່ອງຕ້ອນຂອງຝາກ ເພື່ອໄປມອບໃຫ້ນາຍ ແລະ ພົນທະຫານທີ່ ປະຕິບັດໜ້າທີ່ ຢູ່ເຂດຫ່າງໄກສອກຫລີກ



ຂປລ. ຫ້ອງການສະຫະພັນແມ່ຍິງກອງທັບ ໄດ້ນຳເອົາເຄື່ອງອຸປະໂພກ-ບໍລິໂພກ ລວມມູນຄ່າ
29 ລ້ານ​ກວ່າກີບ, ພ້ອມ​ດ້ວຍຢາປົວພະຍາດຈຳນວນໜຶ່ງ, ເງິນສົດ 8 ລ້ານກີບ ແລະ  ເສື້ອຍືດແມ່ຍິງກອງທັບ ຈຳນວນ 70 ຜືນ ມູນຄ່າ 7 ລ້ານກີບ ໄປມອບໃຫ້ ກອງປະຕິບັດງານ 201 ກອງພົນທີ 1 ​ໃນວັນທີ 1 ເມສາ 2024 ໂດຍອີງຕາມແຜນການເຄື່ອນໄຫວວຽກງານ ຂອງຫ້ອງການສະຫະພັນແມ່ຍິງກອງທັບ ປະຈຳປີ 2024 ກ່ຽວກັບການປຸກລະດົມເຄື່ອງຕ້ອນຂອງຝາກ ເພື່ອໄປມອບໃຫ້ນາຍ ແລະ ພົນທະຫານທີ່ ປະຕິບັດໜ້າທີ່ ຢູ່ເຂດຫ່າງໄກສອກຫລີກ, ກ່າວມອບ​ໂດຍ ສະຫາຍ ພັນເອກ ນາງ ຫລ້າ ຄຸນນະວົງສາ ຮອງຫົວໜ້າຫ້ອງການສະຫະພັນແມ່ຍິງກອງທັບ.

​ໂອກາດຮັບ​ເຄື່ອງ​ຊ່ວຍ​ເຫລືອ​ຄັ້ງ​ນີ້​, ສະຫາຍ ພັນຕີ ກົງແສງ ໄຊຍະຕະ ຄະນະກອງປະຕິບັດງານ 201 ​ໄດ້ສະແດງຄວາມຂອບໃຈ ມາຍັງຄະນະນຳກະຊວງປ້ອງກັນປະເທດ, ຄະນະນຳກົມໃຫຍ່ການເມືອງກອງທັບ ກໍຄື ຫ້ອງການສະຫະພັນແມ່ຍິງກອງທັບ ເຊິ່ງຍາມໃດ ກໍມີຄວາມເປັນຫ່ວງເປັນໃຍ ແລະ ເຫັນໄດ້ເຖິງຄວາມສຳຄັນຂອງນາຍ ແລະ ພົນທະຫານ ທີ່ພວມປະຕິບັດຫນ້າທີ່ຢູ່ເຂດຫ່າງໄກສອກຫລີກ, ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາວັດຖຸປັດໄຈຈຳນວນດັ່ງກ່າວ ໄປໝູນໃຊ້ໃຫ້ຖືກເປົ້າໝາຍ ແລະ ເກີດປະໂຫຍດສູງສຸດ.

ຂ່າວ: ປູນາ ສຸດທະວົງ
KPL

ຂ່າວອື່ນໆ

ads
ads

Top