ຂປລ
ທ່ານ ເດນີສ ຊາມີ ຮັລ ນາຍົກ ລັດຖະມົນຕີ ອູແກຣນ ເປີດເຜີຍວ່າ: ອູແກຣນ ໄດ້ເກັບກ່ຽວ ພືດຜົນລະປູກ ປະເພດຖົ່ວ ແລະ ພືດອຸດສາຫະກຳ ຫລາຍກວ່າ 70 ລ້ານໂຕນ ນັບຕັ້ງແຕ່ ເລີ່ມເກັບກ່ຽວ ໃນປີນີ້.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ທ່ານ ເດນີສ ຊາມີ ຮັລ ນາຍົກ ລັດຖະມົນຕີ ອູແກຣນ ເປີດເຜີຍວ່າ: ອູແກຣນ ໄດ້ເກັບກ່ຽວ ພືດຜົນລະປູກ ປະເພດຖົ່ວ ແລະ ພືດອຸດສາຫະກຳ ຫລາຍກວ່າ 70 ລ້ານໂຕນ ນັບຕັ້ງແຕ່ ເລີ່ມເກັບກ່ຽວ ໃນປີນີ້. ທ່ານ ເດນີສ ຊາມີ ຮັລ ຊຶ່ງ ເຂົ້າຮ່ວມ ກອງປະຊຸມ ຄະນະ ລັດຖະມົນຕີ ກ່າວວ່າ: ປະລິມານ ການເກັບກ່ຽວ ທັນຍາພືດ ແລະ ແກ່ນພືດ ນໍ້າມັນ ທັງໝົດ ຂອງ ອູແກຣນ ໃນປີນີ້ ຈະເພີ່ມສູງຂຶ້ນ ປະມານ 79 ລ້ານໂຕນ , ເພີ່ມຂຶ້ນ 10% ເມື່ອທຽບໃສ່ ປີ 2022 ຜ່ານມາ.
ນອກຈາກນັ້ນ, ອູແກຣນ ຍັງໄດ້ສົ່ງອອກ ສິນຄ້າ ກະສິກຳ ໃນເດືອນກັນຍາ ລວມມີ 3,6 ລ້ານໂຕນ ຊຶ່ງເປັນການສົ່ງອອກ ຜ່ານກຸ່ມທ່າກຳປັ່ນ ຕາມແລວແມ່ນໍ້າ ດານູບີ ປະມານ 2,3 ລ້ານໂຕນ. ກ່ອນໜ້ານີ້ ທ່ານ ເດນີສ ຊາມີ ຮັລ ກ່າວວ່າ: ອູແກຣນ ພ້ອມສົ່ງອອກ ພືດຜົນລະປູກ ຈາກ ການເກັບກ່ຽວ ຂອງປີນີ້ ປະມານ 75%./
KPL
