ຂປລ
ສະຫະ ນະຄອນ ເອເມເຣັດ ອາຣັບ (ຢູເອອີ) ປະກາດ ຈະຫລຸດ ການປ່ອຍ ມົນລະພິດ ຈາກ 31% ເປັນ 40% ໃນປີ 2030. ໃນຂະນະທີ່ ປະເທດນີ້ ກຽມເປັນເຈົ້າພາບ ຈັດກອງປະຊຸມ ດ້ານສະພາບ ອາກາດ ເປັນຄັ້ງສຳຄັນ ໃນປີນີ້.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 12 ກໍລະກົດ, ສະຫະ ນະຄອນ ເອເມເຣັດ ອາຣັບ (ຢູເອອີ) ປະກາດ ຈະຫລຸດ ການປ່ອຍ ມົນລະພິດ ຈາກ 31% ເປັນ 40% ໃນປີ 2030. ໃນຂະນະທີ່ ປະເທດນີ້ ກຽມເປັນເຈົ້າພາບ ຈັດກອງປະຊຸມ ດ້ານສະພາບ ອາກາດ ເປັນຄັ້ງສຳຄັນ ໃນປີນີ້.
ໂດຍ ທ່ານ ມາຣຽມ ບິນ ໂມຮຳເຫມັດ ອັລເຮຣີ ລັດຖະມົນຕີ ກະຊວງ ການປ່ຽນແປງ ສະພາບອາກາດ ແລະ ສິ່ງແວດລ້ອມ ຂອງ ສະຫະນະຄອນ ເອເມເຣັດ ອາຣັບ ລະບຸວ່າ: ເປົ້າໝາຍ ຄັ້ງໃໝ່ນີ້ ເພື່ອປ່ຽນແປງ ວິທີທາງ ຫລຸດຜ່ອນ ການປ່ອຍແກັສ ເຮືອນແກ້ວ ຂອງ ປະເທດ. ໂດຍສະເພາະ ການຜະລິດໄຟຟ້າ ແລະ ນໍ້າ, ອຸດສາຫະກຳໜັກ, ການຂົນສົ່ງ, ຂີ້ເຫຍື້ອ ຂອງ ເສຍ , ການກໍ່ສ້າງ ແລະ ການກະສິກຳ ຈະຮ່ວມກັນ ຫລຸດຜ່ອນ ການປ່ອຍ ມົນລະພິດ ຕາມເປົ້າໝາຍ ສະເພາະ ທີ່ກຳນົດໄວ້ ໃນແຕ່ລະພາກສ່ວນ.
ທັງນີ້ ສະຫະ ນະຄອນ ເອເມເຣັດ ອາຣັບ ປະເທດ ທີ່ເຕັມ ໄປດ້ວຍ ນໍ້າມັນ ໂດຍແນ່ໃສ່ ເພີ່ມອັດຕາສ່ວນ ພະລັງງານ ສະອາດ ໃຫ້ເປັນ 50% ພາຍໃນປີ 2050 ແລະ ຫລຸດຜ່ອນ ກາກບອນ ຟຸດປຣິນ (carbon footprint) ຂອງ ການຜະລິດ ໄຟຟ້າລົງ 70% ພາຍໃຕ້ ຍຸດທະສາດ ພະລັງງານ ປີ 2050 ຂອງປະເທດ. /
KPL
