ຂປລ
ໃນໄຕມາດ ທຳອິດ ປະລິມານ ການນໍາເຂົ້າ ນໍ້າມັນ, ແກັສ, ຖ່ານຫີນ ຂອງ ປະເທດນີ້ ເພີ່ມຂຶ້ນ 7,8%. ໂດຍສະເພາະ ມູນຄ່າ ການນໍາເຂົ້າ ເຊື້ອໄຟ ຂອງ ກຳປູເຈຍ ລວມມີ 870 ລ້ານໂດລາ ສະຫະລັດ, ເພີ່ມຂຶ້ນ 7,8% ເມື່ອທຽບໃສ່ ໄລຍະດຽວກັນ ຂອງປີກາຍ.
ຂປລ. ສຳນັກຂ່າວ ຊິນຮວາຂອງ ສປຈີນ, ວັນທີ 10 ເດືອນເມສາ, ກົມພາສີຂອງ ກຳປູເຈຍ ລາຍງານວ່າ: ໃນໄຕມາດ ທຳອິດ ປະລິມານ ການນໍາເຂົ້າ ນໍ້າມັນ, ແກັສ, ຖ່ານຫີນ ຂອງ ປະເທດນີ້ ເພີ່ມຂຶ້ນ 7,8%. ໂດຍສະເພາະ ມູນຄ່າ ການນໍາເຂົ້າ ເຊື້ອໄຟ ຂອງ ກຳປູເຈຍ ລວມມີ 870 ລ້ານໂດລາ ສະຫະລັດ, ເພີ່ມຂຶ້ນ 7,8% ເມື່ອທຽບໃສ່ ໄລຍະດຽວກັນ ຂອງປີກາຍ. ປັດຈຸບັນ ກຳປູເຈຍ ໄດ້ເພິ່ງພາ ການນໍາເຂົ້າ ນໍ້າມັນ ແລະ ແກັສ ທັງໝົດ ເນື່ອງຈາກ ຍັງບໍ່ມີ ການຂຸດເຈາະ ແຫລ່ງນໍ້າມັນແລະແກັສ ສຳຮອງໃຕ້ທະເລ.
ນອກນັ້ນ, ທ່ານ ຊຸຍ ເສມ ລັດຖະມົນຕີ ກະຊວງບໍ່ແຮ່ ແລະ ພະລັງງານ ຂອງ ກຳປູເຈຍ ຄາດການວ່າ ຄວາມຕ້ອງການ ຜະລິດຕະພັນ ນໍ້າມັນ ພາຍໃນ ປະເທດ ຈະເພີ່ມຂຶ້ນ 4,8 ລ້ານໂຕນ ໃນປີ 2030 ໂດຍເພີ່ມຂຶ້ນ ຈາກ 2,8 ລ້ານໂຕນ ໃນປີ 2020. ສະນັ້ນກຳປູເຈຍ ຈຳເປັນຕ້ອງມີ ການລົງທຶນ ເພີ່ມຂຶ້ນຕື່ມ ໃນຂົງເຂດນີ້ ເພື່ອແນໃສ່ ຕອບສະໜອງ ຄວາມຕ້ອງການ ທີ່ເພີ່ມສູງຂຶ້ນ./.
KPL
