ຂປລ
ຊອກດານີ ໄດ້ລົງນາມ ຂໍ້ຕົກລົງ ກໍ່ສ້າງໂຮງບໍາບັດນໍ້າເສຍ ໃນພາກພື້ນ ກາບາວີ ທາງພາກຕາເວັນອອກ ຂອງ ນະຄອນຫລວງ ອຳມານ ດ້ວຍມູນຄ່າ 79,46 ລ້ານເອີໂຣ.
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ຊອກດານີ ໄດ້ລົງນາມ ຂໍ້ຕົກລົງ ກໍ່ສ້າງໂຮງບໍາບັດນໍ້າເສຍ ໃນພາກພື້ນ ກາບາວີ ທາງພາກຕາເວັນອອກ ຂອງ ນະຄອນຫລວງ ອຳມານ ດ້ວຍມູນຄ່າ 79,46 ລ້ານເອີໂຣ. ໂດຍມີ ກະຊວງ ນໍ້າມັນ ແລະ ການຊົນລະປະທານ ຂອງຊອກດານີ ແລະ ອາຣັບ ທາວເວີຣສ ຄອນແທຣກທິງ ຄອມພານີ (Arab Towers Contracting Company) ໄດ້ເຂົ້າຮ່ວມລົງນາມ ໃນຂໍ້ຕົກລົງ ດັ່ງກ່າວ ຊຶ່ງຈະໄດ້ຮັບ ເງິນສະໜັບສະໜູນ ຈາກທະນາຄານ ເພື່ອການຟື້ນຟູ ແລະ ພັດທະນາ ຂອງ ເອີຣົບ (EBRD) ລວມເຖິງ ສະຫະພາບ ເອີຣົບ (EU). ໂຮງບໍາບັດນໍ້າເສຍ ແຫ່ງໃໝ່ ຈະມີກຳລັງ ການບໍາບັດ 24,75 ແມັດກ້ອນຕໍ່ວັນ ແລະ ຈະໃຊ້ຖັງ ບໍາບັດນໍ້າເສຍ ແທນ ສິ່ງກໍ່ສ້າງ ທີ່ເຄີຍໃຊ້ ໃນໂຮງງານ ບໍາບັດແຫ່ງເກົ່າ. ຊຶ່ງພື້ນທີ່ ຕັ້ງໂຮງບໍາບັດ ນໍ້າເສຍແຫ່ງໃໝ່ ຈະຢູ່ຫ່າງໄກ ຈາກເຂດ ທີ່ຢູ່ອາໄສ./
KPL
