ສປ ຈີນ ມີມູນຄ່າການນໍາເຂົ້າ-ສົ່ງອອກດ້ານການຄ້າສິນຄ້າ-ການບໍລິການ ບັນລຸຫລາຍກວ່າ 4.418 ຕື້ຢວນ
ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ອົງການຄຸ້ມຄອງ ເງິນຕາຕ່າງປະເທດ ແຫ່ງຊາດຈີນ ເປີດເຜີຍໃຫ້ຮູ້ວ່າ: ເດືອນພະຈິກ ປີ2025, ມູນຄ່າ ການນໍາເຂົ້າ-ສົ່ງອອກ ດ້ານການຄ້າ ການບໍລິການ ແລະ ສິນຄ້າສາກົນ ບັນລຸເຖິງ 4.418 ຕື້ກວ່າຢວນ. ໃນນັ້ນ, ການສົ່ງອອກ ສິນຄ້າ ມີເຖິງ 2.248 ຕື້ 400 ລ້ານຢວນ ແລະ ນຳເຂົ້າ ສິນຄ້າມີເຖິງ 1.593ຕື້ກວ່າຢວນ, ເຮັດໃຫ້ເກີນດຸນການຄ້າເຖິງ 654 ຕື້ກວ່າຢວນ; ສ່ວນການສົ່ງອອກ ການບໍລິການມີເຖິງ 246 ຕື້ກວ່າຢວນ ແລະ ນຳເຂົ້າການບໍລິການມີເຖິງ 329 ຕື້ກວ່າຢວນ, ເຮັດໃຫ້ຂາດດຸນການຄ້າ 83 ຕື້ກວ່າຢວນ.ຖ້າຄິດໄລ່ເປັນເງິນໂດລາສະຫະລັດ, ໃນເດືອນພະຈິກປີນີ້, ມູນຄ່າການນໍາເຂົ້າ-ສົ່ງອອກ ດ້ານການຄ້າສິນຄ້າແລະ ການບໍລິການ ຕາມຕາຕະລາງດຸນລາຍຮັບ-ລາຍຈ່າຍ ສາກົນຂອງ ສປ ຈີນ ບັນລຸເຖິງ 351 ຕື້ກວ່າໂດລາສະ ຫະລັດ, ໃນນັ້ນ ການນຳເຂົ້າບັນລຸເຖິງ 271 ຕື້ກວ່າໂດລາສະຫະລັດ, ເຮັດໃຫ້ເກີນດຸນ ການຄ້າເຖິງ 80 ຕື້ກວ່າໂດລາສະຫະລັດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ