ກຳລັງຕິດຕັ້ງໄຟຟ້າພະລັງງານໝູນວຽນຂອງໂລກ ຍັງຈະເພີ່ມຂຶ້ນຢ່າງແຂງແຮງ
ຂປລ.ວິທະຍຸ-ໂທລະພາບ ສູນກາງຈີນ, ອົງການ ພະລັງງານສາກົນ ໄດ້ເຜີຍແຜ່ “ບົດລາຍງານ ກ່ຽວກັບ ພະລັງງານ ໝູນວຽນປີ 2025” ໂດຍຄາດຄະເນວ່າ: ເຖິງວ່າ ໄດ້ຜະເຊີນໜ້າກັບ ປັດໄຈທາງລົບຕ່າງໆ ເຊັ່ນ: ຄວາມກົດດັນ ດ້ານຕ່ອງໂສ້ ການສະໜອງ ແລະ ເງິນທຶນ, ສິ່ງທ້າທາຍ ຈາກການລວບລວມ ເຄືອຂ່າຍໄຟຟ້າ, ຄວາມບໍ່ແນ່ນອນ ດ້ານນະໂຍບາຍ ແລະ ອື່ນໆ. ກຳລັງຕິດຕັ້ງໄຟຟ້າ ພະລັງງານໝູນວຽນຂອງໂລກ ຍັງຈະເພີ່ມຂຶ້ນ ຢ່າງແຂງແຮງ, ຄາດວ່າໃນ 5 ປີ ຂ້າງໜ້ານີ້ ກຳລັງຕິດຕັ້ງໄຟຟ້າ ພະລັງງານໝູນວຽນຂອງໂລກ ທີ່ເພີ່ມໃໝ່ ຈະມີເຖິງ 2 ເທົ່າ ຂອງປະລິມານ ເພີ່ມຂຶ້ນໃນໄລຍະ 5 ປີຜ່ານມາ.ບົດລາຍງານ ຍັງຄາດຄະເນວ່າ, ລະຫວ່າງ ປີ 2025-2030, ກຳລັງຕິດຕັ້ງໄຟຟ້າ ພະລັງງານໝູນວຽນຂອງໂລກ ຈະເພີ່ມຂຶ້ນ 4.600 ຈິກາວັດ, ປະມານເທົ່າກັບຍອດປະລິມານ ກຳລັງຕິດຕັ້ງໄຟຟ້າ ພະລັງງານໝູນວຽນຂອງ ສປ ຈີນ, ສະຫະພາບເອີຣົບ ແລະ ຍີ່ປຸ່ນ ໃນປັດຈຸບັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ