ຂປລ. ສຳນັກ​ຂ່າວ ຊິນ​ຮວາ​ ຂອງ ສປຈີນ, ​ເມື່ອ​ບໍ່​ດົນ​ມາ​ນີ້, ສາຍ​ການບິນທຽນຈິນ ​ແອຣ ຄາຣ​ໂກ ຂອງ​ສປຈີນ ​ເປີດ​ໃຫ້​ບໍລິການ​ ເສັ້ນທາງ​ບິນ ​ຂົນ​ສົ່ງ​ສິນຄ້າ ​ລະຫວ່າງ​ ປະ​ເທດ​ໃໝ່ 2 ສາຍ ເພື່ອ​ເຊື່ອມ​ຕໍ່​ ເມືອງ ກຸ້ຍ​ຫຍາ​ງ​ແຂວງ​ກຸຍ​ໂຈວ ທາງພາກ​ຕາ​ເວັນ​ຕົກ​ສຽງ​ໃຕ້ ຂອງ ສປຈີນ ​ເຂົ້າ​ກັບ ​ເມືອງ​ຢ່າ​ງກຸ້ງ ຂອງ​ ມຽນມາ ​ແລະ ​ເມືອງ​ທາ​ກາ ຂອງ ​ບັງ​ກລາ​ເທດ.

​          ໂດຍ ​ບໍລິສັດ ກຸ່ມ​ອຸດສາ​ຫະກຳ ການບິນ​ ພົນລະ​ເຮືອນ ກຸ້ຍ​ໂຈວ​ ຈໍາກັດ​, ຜູ້​ບໍລິຫານ​ງານ ສະໜາມ​ບິນ​ສາກົນ ກຸ້ຍ​ຫຍາ​ງ, ຫລົງ​ຕັງ​ເປົ່າ ລະບຸ​ວ່າ: ສາຍ​ການບິນ​ທຽນ​ຈິນ ​ແອຣຄາຣ​ໂກ ຈະ​ໃຫ້​ບໍລິການ ​ເສັ້ນທາງ​ບິນ​ຂົນ​ສົ່ງ​ສິນຄ້າ​  ໃໝ່ ດ້ວຍ​ເຮື​ອ​ບິນ ​ສິນຄ້າ ​ໂບອິງ 737-800 ​ເອຟ ດ້ວຍປະລິມານນໍ້ຳໜັກ​ ສູງ​ສຸດເຖິງ 21 ​ໂຕນ ​ໂດຍ​ມີ​ກຳນົດ​ບິນ 4-5 ຖ້ຽວ​ບິນ​ຕໍ່​ອາທິດ ​ໃນ​ແຕ່ລະ​ເສັ້ນທາງ.

ສ່ວນ​ຖ້ຽວ​ບິນ ​ຂາ​ເຂົ້າ​ ຈະ​ຂົນ​ສົ່ງ ຜະລິດ​ຕະພັນ ສັດນໍ້າເຊັ່ນ: ​​ປູ ​ແລະ ອື່ນໆ, ສ່ວນ​ຖ້ຽວ​ບິນ​ຂາ​ອອກ ຈະ​ຂົນ​ສົ່ງ​ສິນຄ້າ​ເສື້ອ​ຜ້າ, ​ແຜ່ນ​ແພ, ດອກ​ໄມ້, ຊິ້ນ​ສ່ວນ​ເອ​ເລັກ​ໂຕຣນິກ ​ແລະ ກົນ​ຈັກ​ເປັນ​ຫລັກ./

KPL