ຫວຽດນາມ-ກຳປູເຈຍ ຊຸກຍູ້ຮ່ວມມືດ້ານປ້ອງກັນຊາດ
ຂປລ. ວິທະຍຸກະຈາຍສຽງ ຫວຽດນາມ: ວັນທີ 9 ມິຖຸນາ, ຢູ່ນະຄອນຫລວງຮ່າໂນ້ຍ ຂອງ ຫວຽດນາມ, ທ່ານພົນເອກ ຟານວັນຢາງ, ຮອງນາຍົກ ລັດຖະມົນຕີ, ລັດຖະມົນຕີ ກະຊວງປ້ອງກັນປະເທດ ຫວຽດນາມ ໄດ້ໃຫ້ການຕ້ອນຮັບທ່ານພົນເອກ ປາກ ສຸວັນນາ (Prak Sovanna) ລັດຖະມົນຕີ ກະຊວງປ້ອງກັນ ປະເທດ ກຳປູເຈຍ ເນື່ອງໃນໂອກາດຕິດຕາມທ່ານ ຮຸນ ມາເນັດ (Hun Manet) ນາຍົກລັດຖະມົນຕີ ກຳປູເຈຍ ມາຢ້ຽມຢາມ ຫວຽດນາມ ຢ່າງເປັນທາງການ ແລະ ເຂົ້າຮ່ວມເວທີປາໄສ ອະນາຄົດ ອາຊຽນຄັ້ງທີ 3.
ໂດຍທ່ານພົນເອກ ຟານວັນຢາງ ສະເໜີ ໃຫ້ສອງຝ່າຍ ຮັກສາ ປະສິດທິຜົນ ຂອງ ການແລກປ່ຽນ ຄະນະຜູ້ແທນທຸກຂັ້ນ ແລະ ບັນດາກົນໄກ ຮ່ວມມືຄື: ການພົບປະ ປະຈຳປີ ລະຫວ່າງ ລັດຖະມົນຕີ ສາມປະເທດ ຫວຽດນາມ-ກຳປູເຈຍ- ລາວ, ການຊ້ອມຮົບຮ່ວມ ກູ້ໄພກູ້ຊີບ ລະຫວ່າງ ກອງທັບ ສາມປະເທດ, ການໂອ້ລົມສົນທະນາ ນະໂຍບາຍປ້ອງກັນຊາດ ຂັ້ນຮອງ ລັດຖະມົນຕີ ກະຊວງປ້ອງກັນປະເທດ.
ຄຽງຄູ່ກັນນັ້ນ, ສອງຝ່າຍ ຍັງຝ່າຍສືບຕໍ່ ຊຸກຍູ້ ການຮ່ວມມື ບັນດາ ຂົງເຂດຄື: ການບຳລຸງສ້າງ, ຄວບຄຸມ, ການປ້ອງກັນ ເຂດຊາຍແດນ; ປະສານສົມທົບກັບ ການຄົ້ນຫາ, ເຕົ້າໂຮມ, ນຳອັດຖິທະຫານ ອາສາສະໝັກ, ນັກຊ່ຽວຊານ ຫວຽດນາມ ເສຍສະຫລະຊີວິດ ຢູ່ກຳປູເຈຍ ໃນບາງສົງຄາມ ກັບຄືນ ປະເທດຊາດ ./