KPL
ສະຫະພາບ ເອີຣົບ(ອີຢູ) ປະກາດວ່າ: ຖ້າການເຈລະຈາ ການຄ້າ ລະຫວ່າງ ສະຫະພາບ ເອີຣົບ-ສ.ອາເມລິກາ ບໍ່ປະສົບຜົນສຳເລັດ, ສະຫະພາບ ເອີຣົບ ມີແຜນຈະເກັບພາສີຕອບໂຕ້ ຕ່າງຫາກ ຕໍ່ສິນຄ້ານຳເຂົ້າ ຈາກ ສ.ອາເມຣລິກາ ທີ່ມີມູນຄ່າ 72 ຕື້ເອີໂຣ(ເທົ່າກັບ 84 ຕື້ໂດລາ), ສະຫະພາບ ເອີຣົບ ໄດ້ກຳນົດ ບັນຊີລາຍຊື່ ສິນຄ້າ ທີ່ຈະເພີ່ມພາສີ ເພື່ອຕອບໂຕ້ ສ.ອາເມລິກາ.
ຂປລ. ຕາມຂ່າວຈາກ CGTN, ສະຫະພາບ ເອີຣົບ(ອີຢູ) ປະກາດວ່າ: ຖ້າການເຈລະຈາ ການຄ້າ ລະຫວ່າງ ສະຫະພາບ ເອີຣົບ-ສ.ອາເມລິກາ ບໍ່ປະສົບຜົນສຳເລັດ, ສະຫະພາບ ເອີຣົບ ມີແຜນຈະເກັບພາສີຕອບໂຕ້ ຕ່າງຫາກ ຕໍ່ສິນຄ້ານຳເຂົ້າ ຈາກ ສ.ອາເມຣລິກາ ທີ່ມີມູນຄ່າ 72 ຕື້ເອີໂຣ(ເທົ່າກັບ 84 ຕື້ໂດລາ), ສະຫະພາບ ເອີຣົບ ໄດ້ກຳນົດ ບັນຊີລາຍຊື່ ສິນຄ້າ ທີ່ຈະເພີ່ມພາສີ ເພື່ອຕອບໂຕ້ ສ.ອາເມລິກາ. ພາຍຫລັງ ທ່ານ ໂດນັລ ທຣຳ ປະທານາທິບໍດີ ສ.ອາເມລິກາ ປະກາດວ່າ ຈະເກັບພາສີ 30% ຕໍ່ສິນຄ້າທີ່ນຳເຂົ້າ ຈາກສະຫະພາບ ເອີຣົບ ນັບແຕ່ ວັນທີ 1 ສິງຫານີ້ ເປັນຕົ້ນໄປ. ຂະນະທີ່ ທ່ານ ຟຣິດຣິກ ເມີສ, ນາຍົກລັດຖະມົນຕີ ເຢຍລະມັນ ກ່າວວ່າ: ສ.ອາເມລິກາ ບໍ່ຄວນຖືເບົາ ຄວາມປາດຖະໜາ ຂອງສະຫະພາບ ເອີຣົບ ທີ່ຈະໃຊ້ ມາດຕະການ ຕອບໂຕ້ ດ້ານພາສີ ດັ່ງກ່າວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
