ຂປລ
ປລ. ແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ເມື່ອບໍ່ດົນມານີ້, ທ່ານ ພັນໄຊ ອິງໄຊ ຮອງຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກຳ ແລະ ປ່າໄມ້, ທ່ານ ສິນໄຊ ເພັດແພງລາສີ ຮອງຫົວໜ້າພະແນກກະສິກຳ ແລະ ປ່າໄມ້ແຂວງສາລະວັນ ພ້ອມດ້ວຍຫົວໜ້າໂຄງການ ສົ່ງເສີມລະບົບຕ້ອງໂສ້ ການຜະລິດກະສິກຳເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ) ແລະ ທີມງານ ຂັ້ນສູນກາງ ເຄື່ອນໄຫວຢ້ຽມຢາມ ກຸ່ມຜະລິດແນວພັນເຂົ້າເປັນສິນຄ້າ ຢູ່ບ້ານພ້າວໃຫຍ່ ເມືອງສາລະວັນ ແຂວງສາລະວັນ.
ປລ. ແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ເມື່ອບໍ່ດົນມານີ້, ທ່ານ ພັນໄຊ ອິງໄຊ ຮອງຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກຳ ແລະ ປ່າໄມ້, ທ່ານ ສິນໄຊ ເພັດແພງລາສີ ຮອງຫົວໜ້າພະແນກກະສິກຳ ແລະ ປ່າໄມ້ແຂວງສາລະວັນ ພ້ອມດ້ວຍຫົວໜ້າໂຄງການ ສົ່ງເສີມລະບົບຕ້ອງໂສ້ ການຜະລິດກະສິກຳເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ) ແລະ ທີມງານ ຂັ້ນສູນກາງ ເຄື່ອນໄຫວຢ້ຽມຢາມ ກຸ່ມຜະລິດແນວພັນເຂົ້າເປັນສິນຄ້າ ຢູ່ບ້ານພ້າວໃຫຍ່ ເມືອງສາລະວັນ ແຂວງສາລະວັນ.
ກຸ່ມຜະລິດແນວພັນເຂົ້າບ້ານພ້າວໃຫຍ່ ເປັນກຸ່ມໜຶ່ງທີ່ນອນໃນ 17 ກຸ່ມເປົ້າໝາຍໂຄງການຂອງ ເມືອງສາລະວັນ ແຂວງສາລະວັນ, ເຊິ່ງໄດ້ຮັບການສ້າງຕັ້ງໃນວັນທີ 15 ມັງກອນ 2021, ມີສະມະຊິກ 19ຄອບຄົວ ຍິງ 6 ຄອບຄົວ, ມີເນື້ອທີ່ຜະລິດເຂົ້ານາປີ 36.4 ເຮັກຕາ, ນາແຊງ 14,48 ເຮັກຕາ,ກິດຈະກຳຫລັກແມ່ນປູກເຂົ້າແນວພັນເປັນສິນຄ້າ ໂດຍມີວິຊາການໂຄງການ ຄສກສ ຂັ້ນສູນກາງ, ພະແນກກະສິກຳ ແລະ ປ່າໄມ້ແຂວງ, ເມືອງ ໄດ້ລົງມາຈັດຕັ້ງຝຶກອົບຮົມ ໃນດ້ານວິຊາການຕ່າງໆ ແລະ ການສ້າງຄວາມເຂັ້ມແຂງ ໃນຫລາຍດ້ານໃຫ້ແກ່ກຸ່ມ, ເຊິ່ງໃນປີຜ່ານມາສາມາດຜະລິດເຂົ້ານາປີໄດ້ 135 ໂຕນ, ນາແຊງໄດ້ 53 ໂຕນ ໃນນັ້ນ, ໄດ້ຜະລິດເຂົ້າແນວພັນ 19 ກວ່າໂຕນ. ນອກນັ້ນ, ຍັງມີຄອບຄົວຕົວແບບເຮັດແປງສາທິດ 9 ຄອບຄົວ ຄື: ຕົວແບບການຜະລິດຕາມເຕັກນິກນາຢອດ ແລະ ນາດຳ 3 ຄອບຄົວ, ຄອບຄົວຕົວແບບເຕັກນິກປຽກສະຫລັບແຫ້ງ ປູກເຂົ້າແບບປະຢັດນ້ຳ 6 ຄອບຄົວ, ຈາກຜົນສຳເລັດດັ່ງກ່າວ ໃນປີຜ່ານມາ ພາຍໃນກຸ່ມຍັງໄດ້ນຳເອົາຜົນຜະລິດເຂົ້າແນວພັນ ເຂົ້າຮ່ວມວາງສະແດງ ໃນເທສະການໝາກພ້າວນາໄຊ ທີ່ບ້ານນາໄຊນ້ອຍ ເມືອງສາລະວັນ, ວາງສະແດງໃນກອງປະຊຸມໃຫຍ່ ອົງການປົກຄອງເມືອງ ແລະ ໃນບຸນຊ່ວງເຮືອປະເພນີ ຂອງເມືອງສາລະວັນ.
ປັດຈຸບັນ ພາຍໃນກຸ່ມຜະລິດແນວພັນເຂົ້າບ້ານພ້າວໃຫຍ່ ມີເຄື່ອງຢອດເຂົ້າ 01 ເຄື່ອງ, ເຄື່ອງສີດຢາ 01 ເຕົ້າ, ມີເຄື່ອງຮີດສູນອາກາດ 01 ເຄື່ອງ ເຊິ່ງທັງໝົດແມ່ນໄດ້ຮັບການສະໜັບສະໜູນ ຈາກທະນາຄານອາຊີພັດທະນາອາຊີ ໃນມູນຄ່າ ປະມານ 400 ລ້ານກວ່າກີບ.
KPL
