ຂປລ
ສາຍການບິນຫວຽດເຈັດ (VietJet) ໄດ້ຕ້ອນຮັບເຮືອບິນ Airbus A321neo ACF ລຸ້ນໃໝ່ ເພື່ອ ພັດທະນາສາຍການບິນໃຫ້ທັນສະໄໝຂຶ້ນ. ນອກນັ້ນ,ຍັງມີການເປີດຕົວເສັ້ນທາງບິນໂດຍກົງໃໝ່ທີ່ເຊື່ອມຕໍ່ກັບນະຄອນໂຮ່ຈີ່ມິງ ກັບ Nagoya ແລະ Fukuoka ປະເທດຍີ່ປຸ່ນ
ຂປລ. ສາຍການບິນຫວຽດເຈັດ (VietJet) ໄດ້ຕ້ອນຮັບເຮືອບິນ Airbus A321neo ACF ລຸ້ນໃໝ່ ເພື່ອ ພັດທະນາສາຍການບິນໃຫ້ທັນສະໄໝຂຶ້ນ. ນອກນັ້ນ,ຍັງມີການເປີດຕົວເສັ້ນທາງບິນໂດຍກົງໃໝ່ທີ່ເຊື່ອມຕໍ່ກັບນະຄອນໂຮ່ຈີ່ມິງ ກັບ Nagoya ແລະ Fukuoka ປະເທດຍີ່ປຸ່ນ, ໂດຍເຮັດໃຫ້ໃຫ້ຜູ້ໂດຍສານມີທາງເລືອກໃນການເດີນທາງຫລາຍຂຶ້ນ ຊຶ່ງຢູ່ໃນແຜນການພັດທະນາ ປີ 2025 ຂອງ VietJet ເພື່ອແນ່ໃສ່ປັບປຸງຄວາມສະດວກໃນການເດີນທາງ ແລະ ຊຸກຍູ້ການແລກປ່ຽນດ້ານວັດທະນະທຳ, ເສດຖະກິດໃນທົ່ວພາກພື້ນອາຊີ - ປາຊີຟິກ.
ເພື່ອເປັນການສະເຫລີມສະຫລອງວັນສຳຄັນ ດັ່ງກ່າວ ສາຍການບິນ VietJet ໄດ້ສະເໜີລາຄາພິເສດຊັ້ນ Eco-Class ໂດຍເລີ່ມຈາກ 0 ໂດລາ (ບໍ່ລວມພາສີ ແລະ ຄ່າທຳນຽມ) ສຳລັບຖ້ຽວບິນສາກົນມາທີ່ປະເທດຫວຽດນາມ. ລາຄາພິເສດນີ້ແມ່ນມີໃຫ້ຈອງທຸກໆວັນສຸກຈົນຮອດວັນທີ 31 ທັນວາ 2025, ໂດຍມີກຳນົດເວລາເດີນທາງແຕ່ມື້ນີ້ຈົນເຖິງທ້າຍປີ (ບໍ່ລວມໄລຍະເທສະການທ່ອງທ່ຽວ ແລະ ວັນພັກລັດຖະການ). ສາມາດຈອງໄດ້ຜ່ານ www.vietjetair.com ຫລື ແອັບມືຖື VietJet Air. ເຮືອບິນລຸ້ນໃໝ່ຂອງ VietJet ໄດ້ລົງຈອດຢູ່ສະໜາມບິນສາກົນ ເຕີນເຊີນເຍີດ, ນະຄອນ ໂຮ່ຈີ່ມິງ ໃນວັນທີ 25 ເມສາ 2025, ພາຍຫລັງບິນຈາກນະຄອນ Hamburg, ປະເທດເຢຍລະມັນ. ເຮືອບິນລຳນີ້ແມ່ນເຮືອບິນໃໝ່ລຳທີ 3 ຂອງ VietJet ທີ່ໄດ້ເພີ່ມເຂົ້າໃນກອງທັບເຮືອນັບແຕ່ຕົ້ນປີ 2025. ສາຍການບິນມີແຜນຈະສືບຕໍ່ຮັບເຮືອບິນໃໝ່ຈາກ Airbus ແລະ Boeing ເພື່ອເພີ່ມທະວີປະສິດທິພາບຂອງສາຍການບິນ ໃນພາກພື້ນ.
ພ້ອມກັນນັ້ນ, VietJet ໄດ້ຂະຫຍາຍເຄືອຂ່າຍສາກົນດ້ວຍຜົນສຳເລັດຂອງສອງບໍລິການໂດຍກົງໃໝ່ລະຫວ່າງ ຫວຽດນາມ ແລະ ຍີ່ປຸ່ນ ທີ່ເຊື່ອມຕໍ່ນະຄອນ ໂຮ່ຈີ່ມິງ ຫາ Nagoya ແລະ Fukuoka. ໃນປັດຈຸບັນມີຖ້ຽວບິນໄປກັບ 4 ຖ້ຽວ ແລະ 3 ຖ້ຽວບິນຕໍ່ອາທິດຕາມລຳດັບ. ໃນໂອກາດດັ່ງກ່າວ, VietJet ໄດ້ເປີດກວ້າງເຄືອຂ່າຍສາກົນຕື່ມອີກ ດ້ວຍການເປີດບໍລິການ 4 ເສັ້ນທາງໃໝ່ທີ່ເຊື່ອມຕໍ່ນະຄອນຮ່າໂນ້ຍ ແລະ ນະຄອນໂຮ່ຈີ່ມິງ ກັບ ປັກກິ່ງ ແລະ ກວາງໂຈ່ວປະເທດຈີນ. ການເພີ່ມຖ້ຽວບິນນີ້ສະແດງໃຫ້ເຫັນການຂະຫຍາຍຕົວຂອງ VietJet ໃນປີ 225 ເຊິ່ງລວມທັງການບໍລິການໃໝ່ກັບປະເທດອິນເດຍໃນເດືອນແລ້ວນີ້ ແລະ ການເປີດໃຊ້ເສັ້ນທາງສາຍການບິນ Phu Quoc – ສິງກະໂປໃນເດືອນພຶດສະພາທີ່ຈະມາເຖິງນີ້. ການຂະຫຍາຍຕົວຂອງເຮືອບິນ ແລະ ເຄືອຂ່າຍການບິນສາກົນຢ່າງຕໍ່ເນື່ອງ ຂອງ VietJet ແມ່ນເພື່ອເພີ່ມຄວາມສະດວກໃນການເດີນທາງ ພ້ອມທັງຊຸກຍູ້ການແລກປ່ຽນດ້ານວັດທະນະທຳ ແລະ ເສດຖະກິດໃນທົ່ວພາກພື້ນ ອາຊີ - ປາຊີຟິກ. ສາຍການບິນຍັງຍຶດໝັ້ນຈຸດຢືນຂອງຕົນເປັນສາຍການບິນຍຸກໃໝ່ທີ່ນຳໜ້າ ສາມາດເຊື່ອມຕໍ່ຫວຽດນາມ ກັບ ບັນດາຈຸດໝາຍປາຍທາງສຳຄັນຂອງໂລກ.
KPL
