ຂປລ
ທ່ານ ສີ ຈິ້ນຜິງ, ປະທານ ປະເທດຈີນ ໄດ້ພົບປະເຈລະຈາກັບ ທ່ານ ອິລຮາມ ເຮດາ ໂອກລູ ອາລິເຢຟ, ປະທານາທິບໍດີ ອາແຊກໄບຊານ ທີ່ເດີນທາງຢ້ຽມຢາມ ສປ ຈີນ ທາງລັດຖະກິດ ຢູ່ຫໍສະພາ ປະຊາຊົນ ແຫ່ງຊາດ ທີ່ນະຄອນຫລວງປັກກິ່ງ.
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ສີ ຈິ້ນຜິງ, ປະທານ ປະເທດຈີນ ໄດ້ພົບປະເຈລະຈາກັບ ທ່ານ ອິລຮາມ ເຮດາ ໂອກລູ ອາລິເຢຟ, ປະທານາທິບໍດີ ອາແຊກໄບຊານ ທີ່ເດີນທາງຢ້ຽມຢາມ ສປ ຈີນ ທາງລັດຖະກິດ ຢູ່ຫໍສະພາ ປະຊາຊົນ ແຫ່ງຊາດ ທີ່ນະຄອນຫລວງປັກກິ່ງ. ປະມຸກລັດສອງປະເທດ ໄດ້ປະກາດ ສ້າງສາຍພົວພັນ ຄູ່ຮ່ວມ ຍຸດທະສາດ ຮອບດ້ານ ລະຫວ່າງ ສປ ຈີນ ແລະ ອາແຊກໄບຊານ.ຫລັງຈາກ ພົບປະເຈລະຈາກັນ, ປະມຸກລັດ ສອງປະເທດ ໄດ້ຮ່ວມກັນ ລົງນາມໃນ “ຖະແຫລງການຮ່ວມ ວ່າດ້ວຍ ການສ້າງສາຍພົວພັນ ຄູ່ຮ່ວມ ຍຸດທະສາດ ຮອບດ້ານ ລະຫວ່າງ ສປ ຈີນ ກັບ ອາແຊກໄບຊານ” ແລະ ໄດ້ເຂົ້າຮ່ວມ ເປັນສັກຂີພິຍານ ໃນການລົງນາມ ເອກະສານ ການຮ່ວມມື 20 ສະບັບ ໃນຂົງເຂດຕ່າງໆ ເຊັ່ນ: ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ຕຸລາການ, ການພັດທະນາ ຕາມທິດສີຂຽວ, ເສດຖະກິດ ດີຈີຕອນ, ຊັບສິນ ທາງປັນຍາ ແລະ ການບິນ ອະວະກາດ ເປັນຕົ້ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
