ຂປລ
ຂປລ. ພະນັກງານ-ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ ສຳເລັດການຍົກລະດັບຄວາມຮູ້ ການດຳເນີນລາຍການໂທລະພາບ ແລະ ການຕັດຕໍ່ພາບແບບມືອາຊີບ ໃນວັນທີ 7 ມັງກອນ 2025 ທີ່ເມືອງວັງວຽງ, ແຂວງວຽງຈັນ ພາຍໃຕ້ການເປັນປະທານຂອງ ທ່ານ ພິດສະໄໝ ບຸນວິໄລ ຫົວໜ້າກົມສື່ມວນຊົນສະພາແຫ່ງຊາດ ໂດຍທ່ານ ໄດ້ຕີລາຄາສູງ ແລະ ສະແດງຄວາມຊົມເຊີຍ ຕໍ່ບັນດາວິທະຍາກອນ ທີ່ໄດ້ເອົາໃຈໃສ່ໃນການກະກຽມບົດຮຽນ ເພື່ອແນະນໍາກ່ຽວກັບວຽກງານສື່ມວນຊົນ.
ຂປລ. ພະນັກງານ-ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ ສຳເລັດການຍົກລະດັບຄວາມຮູ້ ການດຳເນີນລາຍການໂທລະພາບ ແລະ ການຕັດຕໍ່ພາບແບບມືອາຊີບ ໃນວັນທີ 7 ມັງກອນ 2025 ທີ່ເມືອງວັງວຽງ, ແຂວງວຽງຈັນ ພາຍໃຕ້ການເປັນປະທານຂອງ ທ່ານ ພິດສະໄໝ ບຸນວິໄລ ຫົວໜ້າກົມສື່ມວນຊົນສະພາແຫ່ງຊາດ ໂດຍທ່ານ ໄດ້ຕີລາຄາສູງ ແລະ ສະແດງຄວາມຊົມເຊີຍ ຕໍ່ບັນດາວິທະຍາກອນ ທີ່ໄດ້ເອົາໃຈໃສ່ໃນການກະກຽມບົດຮຽນ ເພື່ອແນະນໍາກ່ຽວກັບວຽກງານສື່ມວນຊົນ. ພ້ອມນີ້, ກໍໄດ້ຮຽກຮ້ອງໃຫ້ສໍາມະກອນ ນໍາເອົາ ເນື້ອໃນຈິດໃຈຂອງການຝຶກອົບຮົມ ໄປໝູນໃຊ້ເຂົ້າໃນການປະຕິບັດ ໜ້າທີ່ວຽກງານຕົວຈິງຂອງຕົນ ໃຫ້ເກີດຜົນປະ ໂຫຍດ ແລະ ມີຜົນສໍາເລັດດີຂຶ້ນກວ່າເກົ່າ.
ຊຸດຝຶກອົບຮົມໃນຄັ້ງນີ້, ບັນດາສຳມະນາກອນ ໄດ້ສຸມໃສ່ຮຽນຮູ້, ແລກປ່ຽນບົດຮຽນນຳວິທະຍາກອນ ໂດຍສະເພາະ ກ່ຽວກັບຮູບແບບຂອງກັນ ນຳສະເໜີຂ່າວ-ບົດ ທີ່ມີມາດຖານ; ເຕັກນິກໃນການປະຕິບັດໜ້າທີ່ ເປັນພິທີກອນແບບມືອາຊີບ; ລົງເລິກການຕັດຕໍ່ກ່ຽວກັບ ວິດີໂອແບບມືອາຊີບ; ການຕັດຕໍ່ສຽງ ແລະ ພາບ ແບບມືອາຊີບ ແລະ ອື່ນໆ. ຜ່ານຮໍ່າຮຽນ ເຫັນວ່າສໍາມະນາກອນສາມາດຮັບຮູ້ ແລະ ເຂົ້າໃຈ ໃນລະດັບດີ ເຊິ່ງສະແດງອອກໃນການສົນທະນາ ປະກອບຄຳຄິດຄຳເຫັນ ໂດຍຍົກໃຫ້ເຫັນຄວາມເປັນຈິງ ໃນການຈັດຕັ້ງປະຕິບັດວຽກງານຂອງຕົນ .
ຂ່າວ: ກິດຕາ
KPL
