ຂປລ
ຂປລ. ຫ້ອງການສະພາທິດສະດີສູນກາງພັກ ຈັດກອງປະຊຸມສະຫລຸບວຽກງານ ປະຈຳປີ 2024 ແລະ ແຜນ ການປີ 2025 ໃນວັນທີ 8 ມັງກອນ 2024 ພາຍໃຕ້ການເປັນປະທານ ຂອງ ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ສະຫາຍ ສົມສະຫວາດ ເລັ່ງສະຫວັດ ທີ່ປຶກສາສະພາທິດສະດີສູນກາງພັກ (ສທພ), ມີຮອງປະທານ ແລະ ສະມາຊິກສະພາທິດສະດີສູນກາງພັກ ເຂົ້າຮ່ວມ.
ຂປລ. ຫ້ອງການສະພາທິດສະດີສູນກາງພັກ ຈັດກອງປະຊຸມສະຫລຸບວຽກງານ ປະຈຳປີ 2024 ແລະ ແຜນ ການປີ 2025 ໃນວັນທີ 8 ມັງກອນ 2024 ພາຍໃຕ້ການເປັນປະທານ ຂອງ ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ສະຫາຍ ສົມສະຫວາດ ເລັ່ງສະຫວັດ ທີ່ປຶກສາສະພາທິດສະດີສູນກາງພັກ (ສທພ), ມີຮອງປະທານ ແລະ ສະມາຊິກສະພາທິດສະດີສູນກາງພັກ ເຂົ້າຮ່ວມ.
ສະຫາຍ ຄຳພັນ ເຜີຍຍະວົງ ໄດ້ໃຫ້ຮູ້ວ່າ: ການຈັດກອງປະຊຸມສະຫລຸບປະຈຳປີ 2024 ນີ້, ເພື່ອຕີລາຄາລວມ ສະພາບການເຄື່ອນໄຫວ ວຽກງານຕ່າງໆ ໝົດປີ 2024 ແລະ ວາງທິດທາງແຜນການ ເຄື່ອນໄຫວ ປະຈຳປີ 2025 ຊຶ່ງເປັນໄລຍະທ້າຍສະໄໝ ຂອງການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງລັດຖະບານ. ສະພາທິດສະດີສູນກາງພັກ ໄດ້ປະຕິບັດພາລະບົດບາດເປັນໃຈກາງ ໃນການຈັດຕັ້ງດຳເນີນວຽກງານຄົ້ນ ຄວ້າທິດສະດີ ແລະ ສະຫລຸບພຶດຕິກຳ, ປະກອບສ່ວນອັນສຳຄັນ ໃຫ້ແກ່ວຽກງານແນວຄິດ, ທິດສະດີຂອງພັກເຮົາ, ປະກອບສ່ວນໃນການເສີມຂະຫຍາຍ ລັດທິມາກ-ເລນິນ ແລະ ແນວຄິດ ໄກສອນ ພົມວິ ຫານ. ບົນພື້ນຖານນັ້ນ, ເຫັນໄດ້ວ່າຕະຫລອດໄລຍະຜ່ານມາ, ຜົນສຳເລັດໃນການຈັດຕັ້ງປະຕິບັດ ໜ້າທີ່ການເມືອງ ແລະ ພາລະບົດບາດ ຂອງສະພາທິດສະດີສູນກາງພັກ ໄດ້ມີຜົນງານຫລາຍດ້ານ ທີ່ເປັນການປະກອບສ່ວນ ໃຫ້ແກ່ການປັບປຸງ ແລະ ບູລະນະແນວທາງຂອງພັກ ກໍຄື ການເສີມຂະຫຍາຍບົດບາດ ການນຳພາຂອງພັກ ໃນຂົງເຂດວຽກງານຄົ້ນຄວ້າທິດສະດີ ແລະ ພຶດຕິກຳ.
ຕະຫລອດໄລຍະ 1 ປີ ຜ່ານມາ, ເຫັນໄດ້ວ່າ ມີຫລາຍວຽກງານທີ່ໄດ້ສຳເລັດຜົນ ແລະ ຍັງມີຫລາຍວຽກທີ່ຕ້ອງໄດ້ສຸມໃສ່ສືບຕໍ່ຈັດຕັ້ງ ດຳເນີນໃຫ້ສຳເລັດຕາມຄາດໝາຍ ແລະ ແຜນການກຳນົດໄວ້ ແນໃສ່ເພື່ອເຮັດໃຫ້ການຈັດຕັ້ງປະຕິບັດພາລະບົດບາດ, ໜ້າທີ່ການເມືອງ ຂອງສະພາທິດສະດີສູນກາງພັກ ໂດຍສະເພາະ ການເປັນເສນາທິການ ໃຫ້ແກ່ສູນກາງພັກ ໃນການດຳເນີນວຽກງານ ຄົ້ນຄວ້າທິດສະດີ-ພຶດຕິກຳ, ການສະໜອງຂໍ້ມູນ-ຂ່າວສານ ທາງດ້ານທິດສະດີ ເພື່ອປັບປຸງບູລະນະແນວທາງ ຂອງພັກ. ພິ ເສດ ແມ່ນເພື່ອຕອບສະໜອງໃຫ້ແກ່ ການກະກຽມເນື້ອໃນກອງປະຊຸມໃຫຍ່ ຄັ້ງທີ XII ຂອງພັກ ໂດຍສະເພາະ ບັນດາຫົວຂໍ້ສະເພາະ ທີ່ສູນກາງພັກໄດ້ມອບໝາຍໃຫ້.
ຂ່າວ-ພາບ: ແສງຈັນ
KPL
