ຂປລ
ສະຫະພັນ ອຸດສາຫະກຳ ສ.ເກົາຫລີ (ເອຟເຄໄອ) ເປີດເຜີຍ ກ່ຽວກັບ ການຈ້າງງານ ແລະ ແຮງງານຂອງ ແມ່ຍິງ ອາຍຸ 15-64 ປີ ໃນ 38 ປະເທດ ຂອງ ກຸ່ມປະເທດສະມາຊິກ ອົງການ ເພື່ອຄວາມຮ່ວມມື ແລະ ການພັດທະນາທາງເສດຖະກິດ (ໂອອີຊີດີ) ກ
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ເຊອຸນ ປະເທດ ສ.ເກົາຫລີ ເມື່ອວັນທີ 7 ມັງກອນ 2025, ສະຫະພັນ ອຸດສາຫະກຳ ສ.ເກົາຫລີ (ເອຟເຄໄອ) ເປີດເຜີຍ ກ່ຽວກັບ ການຈ້າງງານ ແລະ ແຮງງານຂອງ ແມ່ຍິງ ອາຍຸ 15-64 ປີ ໃນ 38 ປະເທດ ຂອງ ກຸ່ມປະເທດສະມາຊິກ ອົງການ ເພື່ອຄວາມຮ່ວມມື ແລະ ການພັດທະນາທາງເສດຖະກິດ (ໂອອີຊີດີ) ກວດພົບວ່າ ອັດຕາ ການຈ້າງງານ ແລະ ແຮງງານ ແມ່ຍິງສ.ເກົາຫລີ ເມື່ອປີ 2023 ກວມເອົາ 61,4% ແລະ 36,1% ຕາມລຳດັບ.
ສ.ເກົາຫລີ ຈັດຢູ່ໃນອັນດັບທີ 31 ໃນກຸ່ມປະເທດ ໂອອີຊີດີ ຈາກ ທັງສອງໝວດໝູ່ ຊຶ່ງຫລຸດລົງ ຈາກ ອັນດັບທີ 27 ເມື່ອປີ 2003 ແລະ ເຮັດໃຫ້ ສ.ເກົາຫລີ ຢູ່ໃນອັນດັບຕໍ່າທີ່ສຸດ ໃນໄລຍະ 20 ປີ. ຂະນະດຽວກັນ ອັດຕາການຈ້າງງານ ແມ່ຍິງ ທີ່ມີ ອາຍຸຕໍ່າກວ່າ 15 ປີ ຂອງ ສ.ເກົາຫລີ ກວມເອົາ 56,2% ເມື່ອປີ 2021 ເປັນຕົວເລກຕໍ່າທີ່ສຸດໃນກຸ່ມ 30-50 , ຊຶ່ງເປັນ ກຸ່ມປະເທດ ສະມາຊິກ ໂອອີຊີດີ ທີ່ມີປະຊາກອນ ຫລາຍກວ່າ 50 ລ້ານຄົນ ແລະ ມີລາຍໄດ້ສະເລ່ຍຕໍ່ຫົວຄົນ ຫລາຍກວ່າ 30.000 ໂດລາສະຫະລັດ./
KPL
