ຂປລ
ທ່ານ ອັນວາຣ ອິບຣາຮີມ ນາຍົກ ລັດຖະມົນຕີ ມາເລເຊຍ ແລະ ທ່ານ ລໍເຣນ ຫວ່ອງ ນາຍົກ ລັດຖະມົນຕີ ສິງກະໂປ ຖະແຫລງຮ່ວມກັນ ຢູ່ເມືອງ ຢະໂຣບາຫຣູ ເປັນເມືອງເອກຂອງ ລັດຍະໂຣ ກ່ຽວກັບ ການລົງນາມ ຮ່ວມກັນຈັດຕັ້ງ ໃນເຂດເສດຖະກິດພິເສດ ຢະໂຣ-ສິງກະໂປ.
ຂປລ. ສຳນັກຂ່າວຕ່າງປະເທດ ລາຍງານ ຈາກເມືອງ ປຸຕຣາຈາຢາ ປະເທດ ມາເລເຊຍ ເມື່ອວັນທີ 7 ມັງກອນ 2025, ທ່ານ ອັນວາຣ ອິບຣາຮີມ ນາຍົກ ລັດຖະມົນຕີ ມາເລເຊຍ ແລະ ທ່ານ ລໍເຣນ ຫວ່ອງ ນາຍົກ ລັດຖະມົນຕີ ສິງກະໂປ ຖະແຫລງຮ່ວມກັນ ຢູ່ເມືອງ ຢະໂຣບາຫຣູ ເປັນເມືອງເອກຂອງ ລັດຍະໂຣ ກ່ຽວກັບ ການລົງນາມ ຮ່ວມກັນຈັດຕັ້ງ ໃນເຂດເສດຖະກິດພິເສດ ຢະໂຣ-ສິງກະໂປ.
ເຂດເສດຖະກິດດັ່ງກ່າວ ຈະເຊື່ອມຕໍ່ ລະຫວ່າງ ລັດຍະໂຣ ທາງພາກໃຕ້ ຂອງ ມາເລເຊຍ ກັບ ສິງກະໂປ ໂດຍກວມເອົາ ພື້ນທີ່ 3.571 ກິໂລຕາແມັດ ຊຶ່ງເປັນ ຂະໜາດໃຫຍ່ກວ່າ ຂະໜາດ ຂອງ ສິງກະໂປເຖິງ 5 ເທົ່າ, ໂດຍປົກກະຕິ ບໍລິເວນນີ້ ເປັນໜຶ່ງ ໃນຈຸດຜ່ານແດນ ທີ່ຮຸນແຮງທີ່ສຸດ ຂອງໂລກ, ມີປະຊາຊົນເດີນທາງ ຂ້າມຜ່ານຫລາຍເຖິງ 300.000 ຄົນຕໍ່ວັນ. ການຮ່ວມມືດັ່ງກ່າວ ທັງສອງປະເທດ ຈະໄດ້ຮັບປະໂຫຍດຮ່ວມກັນ ຈາກ ການເຄື່ອນຍ້າຍແຮງງານ, ສ່ວນມາເລເຊຍ ຈະໄດ້ຮັບປະໂຫຍດ ຈາກ ການເຊື່ອມຕໍ່ກັນ ພື້ນຖານໂຄງລ່າງ ທາງອາກາດ ແລະ ທາງທະເລ ຂອງ ສິງກະໂປໄດ້ ຢ່າງສະດວກສະບາຍຂຶ້ນ./
KPL
