ຂປລ
ສປຈີນ ຈະສ້າງພື້ນຖານຫລັກ ຂອງ ພື້ນຖານໂຄງລ່າງຂໍ້ມູນ ລະດັບຊາດ ໃຫ້ສຳເລັດ ໃນປີ 2029, ເປັນສ່ວນໜຶ່ງ ຂອງ ແຮງຂັບເຄື່ອນອີກຂັ້ນ ໃນການສ້າງ ຕະຫລາດ ຂໍ້ມູນລະດັບຊາດ ແບບລວມສູນ ແລະ ພັດທະນາ ເສດຖະກິດ ດິຈິຕອນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 6 ມັງກອນຜ່ານມາ, ຄະນະກຳມະການ ແລະ ພັດທະນາ ປະຕິຮູບແຫ່ງຊາດ ສປຈີນ ແລະ ໜ່ວຍງານອີກ 2 ແຫ່ງ ລະບຸວ່າ: ສປຈີນ ຈະສ້າງພື້ນຖານຫລັກ ຂອງ ພື້ນຖານໂຄງລ່າງຂໍ້ມູນ ລະດັບຊາດ ໃຫ້ສຳເລັດ ໃນປີ 2029, ເປັນສ່ວນໜຶ່ງ ຂອງ ແຮງຂັບເຄື່ອນອີກຂັ້ນ ໃນການສ້າງ ຕະຫລາດ ຂໍ້ມູນລະດັບຊາດ ແບບລວມສູນ ແລະ ພັດທະນາ ເສດຖະກິດ ດິຈິຕອນ.
ການພັດທະນາ ພື້ນຖານ ໂຄງລ່າງດັ່ງກ່າວ ເປັນພື້ນຖານ ໂຄງລ່າງ ຮູບແບບໃໝ່ ເພື່ອສະໜັບສະໜູນ ການເກັບລວບລວມ, ການຖ່າຍໂອນ, ການປະມວນຜົນ, ການໝູນວຽນ, ການໃຊ້ງານ, ການດຳເນີນງານ ແລະ ຄວາມປອດໄພຂອງ ຂໍ້ມູນ, ໂດຍມີຂຶ້ນ ທ່າມກາງ ການພັດທະນາ ອັນວ່ອງໄວ ຂອງ ເຕັກໂນໂລຊີ ດິຈິຕອນ ແລະ ພື້ນຖານໂຄງລ່າງທົ່ວໂລກ. ສປຈີນ ວາງແຜນອອກແບບ ພື້ນຖານໂຄງລ່າງຂໍ້ມູນ ຊັ້ນນໍາລະດັບຊາດ ໃຫ້ສຳເລັດ ໃນລະຫວ່າງປີ 2024-2026 ແລະ ສ້າງພື້ນຖານ ໂຄງລ່າງ ເພື່ອສະໜັບສະໜູນ ການໝູນວຽນ ແລະ ການເຊື່ອມຕໍ່ ລະຫວ່າງ ຂໍ້ມູນຂະໜາດໃຫຍ່ ຄຽງຄູ່ກັບ ການບູລະນະ ເຄືອຂ່າຍຂໍ້ມູນ ແລະ ສິ່ງອຳນວຍ ຄວາມສະດວກ ດ້ານພະລັງການ ປະມວນຜົນ ຢ່າງເຕັມຮູບແບບ ໃນລະຫວ່າງ ປີ 2027-2028./
KPL
