ຂປລ
ຂປລ. ອົງການໄອຍະການປະຊາຊົນສູງສຸດ ຈັດແຂ່ງຂັນກິລາມິດຕະພາບ ຊີງຂັນລາງວັນ ຂອງທ່ານຫົວໜ້າອົງການ ໄອຍະການປະຊາຊົນສູງສຸດ ເພື່ອສະເຫລີມສະຫລອງ ວັນສ້າງຕັ້ງອົງການໄອຍະການປະຊາຊົນ ຄົບຮອບ 35 ປີ (09/1/1990-09/1/2025) ໃນວັນທີ 26 ທັນວາ 2024 ຜ່ານມາ ໂດຍການເປັນ ປະທານກ່າວເປີດພິທີ ໂດຍ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ, ມີຄະນະພັກ-ຄະນະນຳ, ຫ້ອງການ, ບັນດາກົມ, ສະຖາບັນຄົ້ນຄວ້າ ແລະ ຝຶກອົບຮົມ ໄອຍະການ ອົງການໄອຍະການປະຊາຊົນສູງສຸດ
ຂປລ. ອົງການໄອຍະການປະຊາຊົນສູງສຸດ ຈັດແຂ່ງຂັນກິລາມິດຕະພາບ ຊີງຂັນລາງວັນ ຂອງທ່ານຫົວໜ້າອົງການ ໄອຍະການປະຊາຊົນສູງສຸດ ເພື່ອສະເຫລີມສະຫລອງ ວັນສ້າງຕັ້ງອົງການໄອຍະການປະຊາຊົນ ຄົບຮອບ 35 ປີ (09/1/1990-09/1/2025) ໃນວັນທີ 26 ທັນວາ 2024 ຜ່ານມາ ໂດຍການເປັນ ປະທານກ່າວເປີດພິທີ ໂດຍ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ, ມີຄະນະພັກ-ຄະນະນຳ, ຫ້ອງການ, ບັນດາກົມ, ສະຖາບັນຄົ້ນຄວ້າ ແລະ ຝຶກອົບຮົມ ໄອຍະການ ອົງການໄອຍະການປະຊາຊົນສູງສຸດ, ອົງການໄອຍະການປະຊາຊົນພາກກາງ, ນະຄອນຫລວງ, ອົງການໄອຍະການທະຫານ, 3 ອົງການຈັດຕັ້ງມະຫາຊົນ, ພ້ອມດ້ວຍ ກະຊວງ ທີ່ກ່ຽວຂ້ອງ ເຂົ້າຮ່ວມ.
ທ່ານ ໄຊຊະນະ ໂຄດພູທອນ ໄດ້ມີຄຳເຫັນວ່າ: ການແຂ່ງຂັນກິລາມິດຕະພາບ ໃນຄັ້ງນີ້, ເພື່ອສ້າງຂະບວນການສະເຫລີມສະຫລອງຂໍ່ານັບຮັບຕ້ອນ ວັນສ້າງຕັ້ງອົງການໄອຍະການປະຊາຊົນ ແຫ່ງ ສປປ ລາວ ຄົບຮອບ 35 ປີ ແລະ ກອງປະຊຸມໃຫຍ່ອົງການ ໄອຍະການປະຊາຊົນທົ່ວປະເທດ ທີ່ຈະມາເຖິງໃນໃກ້ໆນີ້, ທັງເປັນການສ້າງ ຄວາມສາມັກຄີພາຍໃນ, ຊຸກຍູ້ການເຄື່ອນໄຫວ ວຽກງານວິຊາສະເພາະ ໃຫ້ມີຄວາມພົ້ນເດັ່ນ, ທັງເພີ່ມໂອກາດແກ່ພະນັກ ງານ-ລັດຖະກອນ ໄດ້ໃກ້ຊິດຕິດແທດ, ແລກປ່ຽນຄວາມຄິດເຫັນ ເຊິ່ງກັນ ແລະ ກັນຫລາຍຂຶ້ນ ເຊິ່ງບັນຍາກາດການແຂ່ງຂັນ ສ່ອງແສງໄດ້ນໍ້າໃຈນັກກິລາ, ມີຄວາມສາມັກຄີຮັກແພງ, ຊ່ວຍເຫລືອເຊິ່ງກັນ ແລະ ກັນ ຢ່າງແທ້ຈິງ.
ການສ້າງຂະບວນການແຂ່ງຂັນ ໃນຄັ້ງນີ້, ມີ 8 ພາກສ່ວນເຂົ້າຮ່ວມ, ມີທັງທີມຊາຍ ແລະ ທີມຍິງ. ຜ່ານການແຂ່ງຂັນ ທີມຊາຍ ທີ່ໄດ້ອັນດັບທີ 1 ແມ່ນທີມສະພາທະນາຍຄວາມ, ທີ 2 ກົມສືບສວນ-ສອບສວນ ກົມໃຫຍ່ຕໍາຫລວດ ກະຊວງ ປກສ. ສ່ວນທີມຍິງ ອັນດັບທີ 1 ໄດ້ແກ່ ທີມ ອົງການໄອຍະການປະຊາຊົນສູງສຸດ ແລະ ທີ 2 ທີມກະຊວງພາຍໃນ.
ຂ່າວ-ພາບ: ອອປສ
KPL
