ຂປລ
ກະຊວງພະລັງງານ ແລະ ຊັບພະຍາກອນແຮ່ທາດ ຂອງອິນໂດເນເຊຍ ພວມພິຈາລະນາຈຳກັດ ການຜະ ລິດແຮ່ທາດນິກເກີລ ເພື່ອແກ້ໄຂບັນຫາ ຄວາມຕ້ອງການສ່ວນເກີນ ທີ່ສົ່ງຜົນໃຫ້ລາຄາ ແຮ່ທາດນິກເກີລ ຫລຸດລົງທົ່ວໂລກ.
ຂປລ.ສຳນັກຂ່າວຊິນຮວາຂອງ ສປຈີນ, ກະຊວງພະລັງງານ ແລະ ຊັບພະຍາກອນແຮ່ທາດ ຂອງອິນໂດເນເຊຍ ພວມພິຈາລະນາຈຳກັດ ການຜະລິດແຮ່ທາດນິກເກີລ ເພື່ອແກ້ໄຂບັນຫາ ຄວາມຕ້ອງການສ່ວນເກີນ ທີ່ສົ່ງຜົນໃຫ້ລາຄາແຮ່ທາດນິກເກີລ ຫລຸດລົງທົ່ວໂລກ. ຊຶ່ງຄວາມຂັດແຍ້ງ ລະດັບໂລກ ທີ່ເພີ່ມທະວີ ຄວາມຮຸນແຮງ ຄວາມຕ້ອງການທີ່ຢຸດຈຶ້ງ, ເສດຖະກິດຫລຸດລົງ ແລະ ການປ່ຽນແປງສູງຂອງ ລາຄາສິນຄ້າໂພກພັນ, ສົ່ງຜົນໃຫ້ຄວາມຕ້ອງການ ແລະ ລາຄາແຮ່ທາດນິກເກີລ ຫລຸດລົງຍີ່ງຂຶ້ນ.ລາຄາແຮ່ທາດນິກເກີລ ຫລຸດລົງ ຫລາຍສຸດ 48.199 ໂດລາສະຫະລັດຕໍ່ ແມັດກ້ອນ ເມື່ອວັນທີ 7 ພືດສະພາປີ 2022 ມາຢູ່ທີ 15.500 ໂດລາສະຫະລັດ ຕໍ່ແມັດກ້ອນໃນວັນທີ 24 ທັນວາຜ່ານມາ.
ຂະນະທີ່ ລັດຖະບານ ອິນໂດເນເຊຍ ເນັ້ນໜັກວ່າ: ຜົນກະທົບຂອງ ການສະໜອງ ແລະ ຄວາມຕ້ອງການ ລາຄາແຮ່ທາດນິກເກີລ , ໂດຍຄວາມຕ້ອງການ ສ່ວນເກີນເປັນໜຶ່ງ ໃນສາເຫດຫລັກ ທີ່ເຮັດໃຫ້ລາຄາ ຫລຸດລົງ./.
KPL
