ຂປລ
ໃນຄໍ່າຄືນຂອງວັນອາທິດທີຜ່ານມາ ຢູ່ຫໍປະຊຸມແຫ່ງຊາດ ໄດ້ມີການສະແດງເຕັ້ນບາເລ່ ຂອງສິລະປິນ ທີ່ມີຊື່ສຽງຈາກປະເທດກູບາ ເພື່ອສະເຫລີມສະຫລອງວັນສ້າງຕັ້ງສາຍພົວພັນການທູດລະຫວ່າງ ສປປ ລາວ ແລະ ສ ກູບາ ຄົບຮອບ 50 ປີ.
*ໃນຄໍ່າຄືນຂອງວັນອາທິດທີຜ່ານມາ ຢູ່ຫໍປະຊຸມແຫ່ງຊາດ ໄດ້ມີການສະແດງເຕັ້ນບາເລ່ ຂອງສິລະປິນ ທີ່ມີຊື່ສຽງຈາກປະເທດກູບາ ເພື່ອສະເຫລີມສະຫລອງວັນສ້າງຕັ້ງສາຍພົວພັນການທູດລະຫວ່າງ ສປປ ລາວ ແລະ ສ ກູບາ ຄົບຮອບ 50 ປີ. ພ້ອມທັງເປັນການແລກປ່ຽນສິລະປະວັດທະນະທໍາ, ທັງເປັນການປະກອບສ່ວນເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນ ແລະ ການຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ ແລະ ກູບາໂດຍການສະແດງໃນຄັ້ງນີ້ ສ້າງຄວາມປະທັບໃຈໃຫ້ມວນຊົນທີ່ເຂົ້າຮ່ວມງານ ສົ່ງສຽງຍ້ອງຍໍຕົບມືຊົມເຊີຍດ້ວຍຄວາມປະທັບໃຈທ່ີໄດ້ເຫັນການສະແດງທ່ີອ່ອນຊ້ອຍ, ສວຍງາມທັງ 10 ລາຍການ ເປັນຕົ້ນແມ່ນການສະແດງເພງລັສສີີລຟິເດັຊ, ສາລີດາກາຣເມັນ, ອາກົວສປິມາເບຣາເລັສ, ມູໂຕ, ເອັສເມຣາສດາ, ມາຮີຊີໂມ, ກັດການູເອເຊັສ ແລະ ອື່ນໆ ເຊິ່ງແຕ່ລະລາຍການສ້າງຄວາມປະທັບໃຈໃຫ້ມວນຊົນທ່ີເຂົ້າຮ່ວມງານ ໂດຍສະເພາະແມ່ນການສະແດງລາຍການທີສາມ ມີຊື່ວ່າອາກົວປຣິມາເບຣາເລັສ ຂອງສອງນັກສະແດງ ທີ່ມີຊື່ສຽງຂອງກູບາ ບອກໄດ້ເລີຍວ່າ ສະກົດສາຍຕາ ດ້ວຍການເຕັ້ນທ່ີພ້ອມພຽງອ່ອນຊ້ອຍ ປານວ່າຮ່າງກາຍບໍ່ມີກະດູກກໍ່ວ່າໄດ້ ເຊິ່ງເບິ່ງແລ້ວເປັນຕາອອນຊອນ.
ການຟ້ອມ ບາເລ່ ແມ່ນສິລະປະທີ່ເປັນເອກະລັັກມີຄວາມງົດງາມ ແລະ ແຕ່ລະບົດຟ້ອນກໍ່ສື່ເຖິງຄວາມໝາຍ 29 ສິລະປະວັດທະນະທໍາທີ່ສວຍງາມຂອງ ກູບາ.
ໂດຍ: ມາລີດາ
KPL
