ຂປລ
ຜົນການສຳຫລວດ ເສດຖະກິດ ທົ່ວປະເທດຈີນ ຄັ້ງທີ 5 ຫລັງຈາກ ມີການສຳຫລວດ ວັນທີ 31 ທັນວາ 2023, ແນໃສ່ ສະພາບການໃນປີ 2023
ຂປລ.ວິທະຍຸ ສາກົນ ແຫ່ງ ສປ ຈີນ,ວັນທີ 26 ທັນວານີ້, ຫ້ອງວ່າການ ຖະແຫລງຂ່າວ ລັດຖະບານຈີນ ໄດ້ຈັດກອງປະຊຸມ ຖະແຫລງຂ່າວ ເປີດເຜີຍ ຜົນການສຳຫລວດ ເສດຖະກິດ ທົ່ວປະເທດຈີນ ຄັ້ງທີ 5 ຫລັງຈາກ ມີການສຳຫລວດ ວັນທີ 31 ທັນວາ 2023, ແນໃສ່ ສະພາບການໃນປີ 2023, ເນື້ອໃນສຳຫລວດ ແມ່ນໜ່ວຍງານ ນິຕິບຸກຄົນ, ໜ່ວຍງານ ທີ່ດຳເນີນ ທຸລະກິດ ການຜະລິດ ແລະ ນັກທຸລະກິດ ສ່ວນບຸກຄົນ ທັງໝົດ ໃນຂະແໜງການ ອຸດສາຫະກຳ ແລະ ຂະແໜງການ ບໍລິການ ພາຍໃນປະເທດ. ເວົ້າລວມແລ້ວ, ສາມາດສ່ອງແສງ ໃຫ້ເຫັນເຖິງ ສະພາບ ການພັດທະນາ ເສດຖະກິດສັງຄົມ ຂອງ ສປ ຈີນ ຢ່າງແທ້ຈິງ. ຜົນການສຳຫລວດ ສະແດງ ໃຫ້ເຫັນວ່າ: ມາຮອດທ້າຍປີ 2023, ຂະແໜງ ການອຸດສາຫະກຳ ແລະ ຂະແໜງການ ບໍລິການ ໃນທົ່ວປະເທດຈີນ ມີໜ່ວຍງານ ນິຕິບຸກຄົນ 33.270.000 ແຫ່ງ, ລວມມີ ຜູ້ປະກອບການ 428.984.000 ຄົນ, ນັກທຸລະກິດ ສ່ວນບຸກຄົນ 87.995.000 ແຫ່ງ, ລວມມີ ຜູ້ປະກອບການ 179.564.000 ຄົນ. /.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
