ຂປລ
ຂປລ. ໄລຍະ 10 ເດືອນປີ 2024, ບໍລິສັດທາງລົດໄຟຈີນ-ລາວ ໄດ້ຂົນສົ່ງຜູ້ໂດຍສານທັງໝ 3 ລ້ານເທື່ອຄົນ ທີ່ມາຈາກ 101 ປະເທດທົ່ວໂລກ, ສະເລ່ຍປະມານ 10.000 ຄົນ/ມື້, ເພີ່ມຂຶ້ນ 44,4% ເມື່ອທຽບໃສ່ໄລຍະດຽວກັນຂອງປີ 2023.
ຂປລ. ໄລຍະ 10 ເດືອນປີ 2024, ບໍລິສັດທາງລົດໄຟຈີນ-ລາວ ໄດ້ຂົນສົ່ງຜູ້ໂດຍສານທັງໝ 3 ລ້ານເທື່ອຄົນ ທີ່ມາຈາກ 101 ປະເທດທົ່ວໂລກ, ສະເລ່ຍປະມານ 10.000 ຄົນ/ມື້, ເພີ່ມຂຶ້ນ 44,4% ເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນ, ຜູ້ໂດຍສານພາຍໃນມີ 2.893.000 ເທື່ອຄົນ, ລວມທັງຂົນສົ່ງເຈົ້າໜ້າທີ່ພາກລັດ ແລະ ອາສາສະໝັກກູ້ໄພໂດຍບໍ່ເສຍຄ່າ ໃນໄລຍະນ້ຳຖ້ວມ 1.136 ເທື່ອຄົນ, ອຳນວຍຄວາມສະດວກ ໃຫ້ແຂກນັ່ງລົດໄຟໂດຍບໍ່ເສຍຄ່າ ໄລຍະກອງປະຊຸມອາຊຽນ 368 ຄົນ ແລະ ຜູ້ໂດຍສານຂ້າມແດນ 107.000 ເທື່ອຄົນ.
ເພື່ອເປັນການຮັບມື ແລະ ອໍານວຍຄວາມສະດວກ ໃຫ້ຜູ້ໂດຍສານທີ່ນັບມື້ນັບຫລາຍຂຶ້ນ, ໄລ ຍະຜ່ານມາທາງລົດໄຟລາວ-ຈີນ ໄດ້ມີມາດຕະການຫລາຍຢ່າງ ເປັນຕົ້ນ ການເພີ່ມຖ້ຽວລົດ, ຕໍ່ຂະບວນລົດ ແລະ ອື່ນໆ ເພື່ອອຳນວຍຄວາມສະດວກ ໃຫ້ແກ່ການໄປມາຫາສູ່ກັນ ຂອງພໍ່ແມ່ປະຊາຊົນ ໃຫ້ມີຄວາມສະດວກສະບາຍຂຶ້ນ ແລະ ອຳນວຍຄວາມສະດວກໃຫ້ແກ່ ການເປັນເຈົ້າພາບ ຈັດກອງປະຊຸມອາຊຽນ ຂອງ ສປປ ລາວ, ທັງເປັນການສົ່ງເສີມການທ່ອງທ່ຽວ ໃນປີທ່ອງທ່ຽວລາວ 2024 ນີ້.
ໃນອະນາຄົດ ບໍລິສັດ ທາງລົດໄຟລາວ-ຈີນ ຈໍາກັດ ໄດ້ວາງແຜນນໍາເຂົ້າລົດໄຟ EMU ຂະບວນທີ 5 ເພື່ອຮອງຮັບນັກທ່ອງທ່ຽວ ແລະ ຊຸກຍູ້ການທ່ອງທ່ຽວລາວ ໃຫ້ກ້າວຂຶ້ນສູ່ ອີກລະດັບໜຶ່ງ ໃນປີ 2025 ທີ່ຈະມາເຖິງນີ້.
KPL
