ຂປລ
ຂປລ. ເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ຮ່ວມກັບ ພະແນກຕໍາຫລວດຈະລາ ຈອນນະຄອນຫລວງວຽງຈັນ ແລະ ໂຮງຮຽນ ທິບ ວິຊາຊີບ ການຂັບຂີ່ ຈັດການຝຶກອົບຮົມພາຍໃຕ້ຫົວຂໍ້ "ໂຄງການຝຶກອົບຮົມການຂັບຂີ່ ພາຫະນະລົດໂດຍສານ” ເພື່ອຍົກລະດັບຄວາມຊໍານານການຂັບຂີ່ ແລະ ມາລະຍາດຂອງຜູ້ຂັບລົດ Taxi ຂອງ ບໍລິສັດ ແຊັງເອັດສເອັມ ຈຳກັດຜູ້ດຽວ
ຂປລ. ເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ຮ່ວມກັບ ພະແນກຕໍາຫລວດຈະລາ ຈອນນະຄອນຫລວງວຽງຈັນ ແລະ ໂຮງຮຽນ ທິບ ວິຊາຊີບ ການຂັບຂີ່ ຈັດການຝຶກອົບຮົມພາຍໃຕ້ຫົວຂໍ້ "ໂຄງການຝຶກອົບຮົມການຂັບຂີ່ ພາຫະນະລົດໂດຍສານ” ເພື່ອຍົກລະດັບຄວາມຊໍານານການຂັບຂີ່ ແລະ ມາລະຍາດຂອງຜູ້ຂັບລົດ Taxi ຂອງ ບໍລິສັດ ແຊັງເອັດສເອັມ ຈຳກັດຜູ້ດຽວ ພາຍໃຕ້ການເປັນປະທານຮ່ວມຂອງ ທ່ານ ສີວອນ ຊັບທະວີ ຮອງຫົວໜ້າພະແນກໂຍທາທິການ ແລະ ຂົນ ສົ່ງນະຄອນຫລວງວຽງຈັນ, ທ່ານ ພັນໂທ ສັງ ຄົມ ພົມມະລາດ ຫົວໜ້າພະແນກຕໍາຫຼວດຈະລາຈອນ ນະຄອນຫລວງວຽງຈັນ ແລະ ທ່ານ ນາງ ວະລີວັນ ຈຸທາທິບຜູ້ອຳນວຍ ການໂຮງຮຽນ ທິບວິຊາຊີບ ການຂັບຂີ່.
ທ່ານ ສີວອນ ຊັບທະວີ ຮອງຫົວໜ້າພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ໄດ້ໃຫ້ຮູ້ວ່າ: ການຝຶກອົບຮົມຄັ້ງນີ້, ເພື່ອແນໃສ່ຍົກລະດັບຄວາມຮູ້ ແລະ ມາລະຍາດໃນການຂັບຂີ່ ໃຫ້ພະນັກງານຂັບລົດຂອງບໍລິສັດ ແຊັງເອັດສເອັມ ຈຳກັດຜູ້ດຽວ ດີຂຶ້ນກວ່າເກົ່າ ເຊັ່ນ: ການຮັບຮູ້ກົດ ລະບຽບການຂັບຂີ່, ມາລະຍາດໃນການຂັບຂີ່, ມາລະຍາດໃນການ ຕ້ອນຮັບຜູ້ໂດຍສານ ແລະ ອື່ນໆ ເພື່ອຮັບປະກັນຄວາມປອດໄພ ໃນການຂັບຂີ່ ກໍຄື ການບໍລິການສັງຄົມ ແລະ ສົມກັບເປັນມືອາຊີບທີ່ແທ້ຈິງ.
ພ້ອມນີ້, ທ່ານ ນາງ ວະລີວັນ ຈຸທາທິບ, ຜູ້ອຳນວຍການໂຮງ ຮຽນ ທິບວິຊາຊີບ ການຂັບຂີ່ ກໍໄດ້ໃຫ້ຮູ້ວ່າ: ນີ້ເປັນໂຄງການທໍາອິດທີ່ໂຮງຮຽນ ທິບວິຊາຊີບ ການຂັບຂີ່ ຮ່ວມກັບພະແນກໂຍທາທິການ ແລະ ຂົນສົ່ງນະຄອນ ຫລວງວຽງຈັນ ແລະ ພະແນກຕໍາຫລວດ ຈະລາຈອນ ນະຄອນຫລວງວຽງຈັນ ຈັດຂຶ້ນເພື່ອຕອບສະໜອງ ຕາມຄວາມຕ້ອງການຂອງບໍລິສັດ ແຊັງເອັດສເອັມ ຈຳກັດ ຜູ້ດຽວ ທີ່ສະເໜີຜ່ານພະແນກໂຍທາທິການ ແລະ ຂົນສົ່ງນະ ຄອນຫລວງວຽງຈັນ. ການຝຶກອົບຮົມແມ່ນ ເນັ້ນໃສ່ທິດສະດີ ແລະ ມາລະຍາດ ໃນການຂັບຂີ່ເປັນຕົ້ນຕໍ ເຊິ່ງເຊື່ອແນວ່າ ຜ່ານການຝຶກອົບຮົມຄັ້ງນີ້ ຈະເຮັດໃຫ້ຜູ້ຂັບລົດຂອງບໍລິສັດດັ່ງກ່າວ ບໍລິການສັງຄົມນັບມື້ດີຂຶ້ນກວ່າເກົ່າ.
ຂ່າວ: ວສລ
KPL
